web counter
LEXO PA REKLAMA!

SHKARKO APP

App Store
Google Play

Shpronësimet/ IKMT rinis shembjet në Shkodër

10 Mars 2025, 14:22, Aktualitet CNA

Shpronësimet/ IKMT rinis shembjet në Shkodër

Në Shkodër ka rinisur aksioni i prishjeve të ndërtimeve për lirimin e hapësirave në kuadër të projektit të hyrjes së qytetit. Drejtori i IKMT për rajonin e Shkodrës, Emiljano Nika, shprehet se pas daljes së shpronësimeve tashmë janë 10 objekte, të cilat do të prishen përgjatë gjithë vijës së sheshit të ndërtimit të hyrjes së qytetit.

 

Nika tha se është gjetur mirëkuptimi me pronarët e këtyre objekteve. Ndërkohë drejtori Nika u shpreh se vijon aksioni edhe për lirimin e liqenit të Shkodrës.

"Kanë përfunduar të gjitha procedurat e shpronësimeve dhe sot rifillojmë punën për prishjen e të gjitha objekteve të cilat bëhen pengesë për rikualifikimin e hyrjes së qytetit dhe bregut perëndimor të liqenit të Shkodrës. Janë 10 subjekte të shpronësuara për të cilat do të vijojë shembja. Ndërkohë paralelisht po vijon pastrimi i bregut të liqenit dhe bregut të lumit Buna, pra po punohët me 2 fronte njëkohësisht, punë e cila do të zgjasë për disa ditë.

Pronarët janë njoftuar më herët dhe kemi gjetur mirkuptimin e tyre. Siç e shihni puna ka disa ditë që ka nisur dhe një pjesë i kanë hequr vullnetarisht materialet. Çdo gjë vjen pa asnjë hezitim dhe puna vijon normalisht. Projekti është i miratuar dhe do të bëhet prishja pa asnjë përjashtim", ka deklaruar drejtori i IKMT Shkodër, Emiljano Nika.

Krahas prishjes së ndërtimeve po bëhët edhe pastrimi i liqenit të Shkodrës./ CNA





Lajmet e fundit nga