web counter
LEXO PA REKLAMA!

SHKARKO APP

App Store
Google Play

Shpërthim i revoltës/ Berisha: Te Policia e Shtetit është një nga kryebanditët e narkoshtetit

28 Shkurt 2026, 19:24, Aktualitet CNA

Shpërthim i revoltës/ Berisha: Te Policia e Shtetit është

Teksa po i drejtohen institucionit të Policisë së Shtetit kreu i PD-së Sali Berisha në një prononcim për mediat nga protesta është shprehur se Ilir Proda është një nga kryebanditët e narkoshtetit.

Berisha tha se protestuesit po shkojnë t’i thonë Prodës që do të ketë të njëjtën të ardhme si Rama.

Ai e ka akuzuar si shërbëtor dhe mercenar të Ramës.

"Pra, kryengritja paqësore e opozitës sot ka formën e një marshimi revoltë proteste në rrugët e Tiranës për të shprehur zemërimin popullor ndaj kreut të organizatës kriminale të qeverisë shqiptare dhe anëtarëve të saj.

Pra, për t’i thënë Edi Ramës se jo një Lubi, po edhe 30 Lubi po të largohesh, do jesh ti dhe vetëm ti objekti kryesor i revoltës popullore.

Do të jetë Edi Rama dhe vetëm Edi Rama kazus i betejës tonë gjer në largimin e tij.

Është Edi Rama gjeneratori i të gjitha të këqijave të lidhura me regjimin e tij.

Ndaj dhe, largimi i njërit apo tjetrit, përbëjnë vetëm përpjekje të dëshpëruara të tij për të ruajtur lëkurën e tij.

Asgjë nuk e mbron atë nga revolta popullore.

…E ka ndonjë element të tillë… janë shpërthime të revoltës.

 Aty është një nga kryebanditët e narkoshtetit që quhet Ilir Proda.

Ndaj dhe shkon revolta, kryengritja për t’i thënë që aq sa ka të ardhme Edi Rama, aq ke edhe ti.

Je një shërbëtor, një mercenar i tij.

Aty është natyrisht në zyrën e tij edhe Ergys Agasi. Janë bashkë ata.

Ndaj dhe shkojmë aty për t’i shënjuar.

Kjo nuk është ndaj policëve të thjeshtë, ju e keni parë qëndrimin tonë ndaj tyre, por ndaj këtij banditi që përbën dhe një nga njerëzit më të rrezikshëm të narkoshtetit.

Ne shkojmë gjer atje"./ CNA





Lajmet e fundit nga