web counter
LEXO PA REKLAMA!

SHKARKO APP

App Store
Google Play

Reagon Dokushi: Unë dhe Veliaj ia futëm Ramës

20 Janar 2026, 14:47, Aktualitet CNA

Reagon Dokushi: Unë dhe Veliaj ia futëm Ramës

Krahu i djathtë i kryebashkiakut të arrestuar të Tiranës, Erion Veliaj, Alban Dokushi, ka reaguar pas vendimit të Gjykatës Administrative për ta kthyer në detyrë.

Sipas besnikut të Veliajt të hequr nga bashkia me urdhër të Ramës, si në rastin e tij, si në rastin e Veliajt gjykatat kanë korrigjuar shkeljet e rënda ligjore të kryera në përpjekje për largimin në kundërshtim me ligjin e drejtuesve politikë dhe administrativë të Bashkisë Tiranë.

“Pas vendimit të Gjykatës Kushtetuese për rikthimin në detyrë të drejtuesit politik të zgjedhur të Bashkisë Tiranë, z. Erion Veliaj, vendimi i Gjykatës Administrative rikthen gjithashtu në detyrë edhe drejtuesin e administratës së Bashkisë. Në këtë këndvështrim, gjykatat kanë korrigjuar dhe prapësuar shkeljet e rënda ligjore, të kryera në përpjekje për largimin në kundërshtim me ligjin të drejtuesve politikë dhe administrativë të Bashkisë Tiranë”, thuhet në reagimin e Dokushit për "Top News".

Pas kësaj deklarate, pyetja që lind është se kush i ka bërë këto veprime të paligjshme. Mjafton të kujtojmë se Këshilli Bashkiak është i socialistëve, Këshilli i Ministrave drejtohet nga Rama, Presidenti Bajram Begaj u zgjodh nga shumica, Rama ishte ai që i shkarkoi Dokushin dhe Veliajn nga detyra.

Si rrjedhojë, ajo që rrjedh nga ky reagim i krahut të djathtë të Veliajt, është se paligjshmërinë e ka bërë Rama dhe se Dokushi dhe Veliaj ia futën Edi Ramës./ CNA





Lajmet e fundit nga