web counter
LEXO PA REKLAMA!

SHKARKO APP

App Store
Google Play

Martesa me Ramën/ Linda Rama: Isha mister i madh për publikun, ja kush ishin aleatët e mi

20 Janar 2026, 14:35, Aktualitet CNA

Martesa me Ramën/ Linda Rama: Isha mister i madh për publikun, ja kush

Linda Rama ka rrëfyer për gjithçka që shkruhej e thuhej gjatë javës që do të kurorëzonte dashurinë e saj me kryeministrin Edi Rama në martesë.

Zonja Rama ka treguar se për të gjithë opinionin publik ka qenë një mister i madh se kush ishte gruaja që po martohej me Edi Ramën, pasi nuk ishte një njeri që publiku e njihte.

Gjatë javës së martesës së tyre, kjo ishte biseda më e madhe që bëhej. Zonja Rama theksoi se ishte Rama ai që e prezantoi për herë të parë me publikun dhe aletatët e saj më të mëdhenj, që në atë moment kanë qenë studimet, arsimimi dhe diplomat e saj, kolegët dhe komunitetet lokale.

“Ajo që mund të them lidhur me atë moment është se ka qenë një mister në rastin më të mirë se kush është gruaja që po martohet me Edi Ramën. Ka qenë një mister i madh, ka qenë një bisedë e madhe që ndodhte në javën tonë të martesës dhe unë nuk isha një njeri që më njihte publiku. Mua më njihnin komunitetet lokale, më njihnin kolegët e mi, më njihnin studentët. Më njihnin, po përsëri ishin numra të vegjël. Për shkak të Edit, unë u prezantova me publikun dhe aleati më i madh që kam pasur në atë moment kanë qenë ato, që thashë më parë, studimet e mia. Kanë qenë arsimimi im, diplomat e mia. Kanë qenë pikërisht ata, kolegët, komunitetet lokale, një sy dhe një mendje që mua më njihte, më shihte, më kishte parë më herët dhe unë e dija që ata në atë moment ishin me mua”, rrëfeu zonja Rama./ CNA





Lajmet e fundit nga