web counter
LEXO PA REKLAMA!

SHKARKO APP

App Store
Google Play

Rasti i Irena Gjokës/ Kikia: Mungon morali, makinacione brenda strukturave të verifikimit

20 Janar 2026, 21:34, Aktualitet CNA

Rasti i Irena Gjokës/ Kikia: Mungon morali, makinacione brenda strukturave

Gazetari Mentor Kikia komentoi sot çështjen e shumëpërfolur lidhur me gjyqtaren Irena Gjoka.

I ftuar në emisionin ‘Now”, Kikia u shpreh se Gjoka në këtë moment ka në favor ligjin, por jo moralin si gjyqtare.

Kikia hodhi akuza se parregullsia në verifikime është tregues se në këtë rast janë përdorur makinacione brenda strukturave të verifikimit.

“Unë nuk di të them nëse zonja do ta kishte deklaruar dënimin e saj të formës së prerë nga autoritetet greke, do e kishte kaluar vetingun apo jo? Nëse kjo nuk do të përbënte pengesë për të kaluar vetingun, atëherë pyetja që ngrihet është se pse e fshehu? Të dhënat jozyrtare të deklaruara publiksht, por së paku të papërgënjeshtruara, flasin për makinacione brenda strukturave të verifikimit, qoftë në shkallë të parë, qoftë në shkallë të dytë. Ajo që më shqetëson është se një gjykatës me këto probleme e ka kaluar vetingun. Kanë ikur juristë se nuk kanë justifikuar një apartament të kohës së komunizmit, kështu që nuk mund të ketë justifikim. Nuk është si të gjithë shqiptarët. Gjykatësi është Perëndia në Tokë dhe ‘i dënuar’ të jetë i drejtë. Për këtë arsye, ligji mund të jetë në favor të zonjës, por morali nuk është në favor. Besoj se edhe besimi nuk do të duhet të bëhet bazuar te shkelja ose jo në afat”,-tha Kikia./CNA  





Lajmet e fundit nga