web counter
LEXO PA REKLAMA!

SHKARKO APP

App Store
Google Play

Rama “pushkaton” Veliajn: Një parazit më pak në trupin tonë

7 Maj 2024, 10:57, Aktualitet CNA

Rama “pushkaton” Veliajn: Një parazit më pak në

Kryeministri Edi Rama ka lëshuar Erion Veliajn duke theksuar se kush tradhton socialistët, nuk ka më vend në PS.

Kryeministri tha se ai që tradhton këtë familje politike nuk meriton të jetë një prej tyre, por meriton vetëm përbuzjen.

Numri një i qeverisë ishte i qartë kur nënvizoi se një hajdut dhe një parazit që ushqehet me trupin ku rritet është një parazit më pak në trupin e PS-së.

“Dua të jemi i qartë me ju te kjo 'ne'-ja e PS-së nuk do të ketë, sa të jem unë i besuari juaj, një 'ne' të njëjtë, sikur bëjmë betejat dhe punët për të cilat na kanë besuar shumica e shiptarëve, sikur për këdo prej nesh që tradhton ata që na kanë besuar duke flirtuar me armikun e shpallur të kësaj lufte, i cili është korrupsioni.

Kush flirton me atë armik, kush i tradhton besimtarët tanë, kush i tradhton njerëzit që i kanë dhënë privilegjin secilit prej nesh për të qenë përgjegjës, nuk është as ne, nuk është as i yni dhe nuk ka punë me ne.

Ashtu sikur dikush që është zgjedhur në krye të një bashkie, nëse fut duart në arkat e këtij shteti dhe xhepat e këtij populli, nuk është ne.

Nuk ka se si të jetë ne dhe as se si të kërkojë gjë tjetër nga ne përveç përbuzjes.

E thënë ndryshe, çdo anëtar i kësaj familjeje politike që bën korrupsionin në funksionet publike është një tradhtar i dyfishtë, jo vetëm i popullit shqiptar si çdo hajdut me kostum që merr çka nuk është e tij, por edhe i PS-së si çdo parazit që ushqehet me gjakun e trupit ku rritet.

Ku qëllon që fatmirësisht një hajdut dhe parazit i tillë të zbulohet nga drejtësia, i hidhur është sa të duash fakti që e kishim mes nesh, por lajmi që e kemi një parazit më pak në trupin tonë është lajm shumë i mirë”, tha Rama./ CNA





Lajmet e fundit nga