web counter
LEXO PA REKLAMA!

SHKARKO APP

App Store
Google Play

E fundit!

x

Qeveria shqiptare emërtoi rrugën përballë saj “Ukraina e Lirë”/ Ambasada ruse ndërron adresë

15 Shtator 2022, 18:42, Aktualitet CNA
Qeveria shqiptare emërtoi rrugën përballë saj “Ukraina
Foto ilustruese

Flamuri rus dhe pllaka që tregonte ambasadën në qendër të Tiranës, në rrugën që pas pushtimit të Ukrainës nga Rusia u emërtua “Ukraina e Lirë”, janë hequr.

Në një njoftim në faqen në rrjetet sociale thuhet se shërbimet konsullore ofrohen në Mjull Bathore, ku është edhe adresa e re.

Kujtojmë që emërimi i rrugës muaj më parë, bëri bujë dhe në mediat botërore, si "Reuters", ndërsa turistë dhe vizitorë të huaj e kanë përdorur si sfond për foto nga Tirana.

Rruga po ashtu u zbukuruar me flamuj të Ukrainës dhe me ngjyrat verdhë e blu të vizatuara në trotuarë.

Në të njëjtën kohë sheshi “Tre vëllezërit Frashëri” që ndodhet mes Bulevardit “Dëshmorët e Kombit” dhe rrugës “Ukraina e Lirë”, u kthye në një pikë protestash kundër luftës.

E detyruar tashmë të kishte si adresë zyrtare rrugën “Ukraina e Lirë”, ambasada ruse pezulloi më 20 prill siç thuhet në postimin zyrtar në faqen në "Facebook" “për arsye teknike” veprimet në këtë rrugë, shkruan "Birn".

Në qershor ambasada njoftoi se puna do të fillonte në zyrat e reja që ndodhen në Mjull Bathore në rrugën “Dervish Shaba”. Ndërkohë, godina që njihet si ambasada e Rusisë është zhveshur nga simbolet dhe duket se prej kohësh është e mbyllur. Flamuri që ndodhej në një nga shtyllat që shikonin nga rruga “Ukraina e Lirë” është hequr./CNA.al

 





Lajmet e fundit nga