E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Dy marrëveshje me Komisionin Europian për mjedisin/ Në fokus riciklimi dhe reduktimi i mbetjeve

15 Shtator 2022, 17:22, Aktualitet CNA

Dy marrëveshje me Komisionin Europian për mjedisin/ Në fokus

Mirela Kumbaro

Ministrja e Turizmit dhe Mjedisit, Mirela Kumbaro, ka prezantuar sot dy projekte për mjedisin të cilat kanë si qëllim mbrojtjen e natyrës dhe ekosistemeve si dhe zhvillimin e ekonomisë. Në bashkëpunim me komisionin Europian programi IPA III pritet të sjellë zhvillimin e ekonomisë qarkulluese dhe rritjen e zonave të mbrojtura në Shqipëri.

Ky projekt lidhet me menaxhimin e integruar të mbetjeve, si dhe promovon më tej riciklimin si mënyrën e vetme për të ulur volumin e mbetjeve në vend. Ky projekt arrin deri në shifrën 35 milionë euro dhe do të zbatohet duke ndërtuar edhe pikat fundore të trajtimit të mbetjeve në Kukës, Gjirokastër dhe rajonin e Vlorës Jugore.

“Programi do të zbatojë modele për menaxhimin e integruar të mbetjeve të ngurta bashkiake dhe mbylljen e landfilleve që nuk janë në përputhje me rregullat mjedisore. Në këtë projekt përfshijmë riciklimin dhe ripërdorimin për Kukësin dhe Gjirokastrën-Vlorën Jugore. Këto modele do të bazohen në studimin e fizibilitetit për menaxhimin e integruar të mbetjeve të ngurta të zhvilluar për të dyja zonat”, u shpreh ministrja Kumbaro. Ministrja foli se këto projekte shkojnë paralelisht me ndryshimin e mentalitetit të qytetarëve në lidhje me mbetjet, ndaj është e domosdoshme që të aplikohet kultura e riciklimit, ripërdorimit dhe kompostimit.

Sakaq Mirela Kumbaro ka theksuar se edhe marrëveshja e dytë në kuadër të “EU for Nature”, është po aq e rëndësishme pasi i dedikohet zonave të mbrojtura.

"Parashikon 6 milion euro dhe përqendrohet në hartimin e planeve të menaxhimit të gjashtë zonave, si edhe në krijimin e zonave të reja të mbrojtura. Kjo është pjesë e përgatitjes për rrjetin Natura 2000. Objektivi minimal i Programit është të mbrojë dhe të ruajë 25 për qind të territorit shqiptar në tokë dhe në det, deri në vitin 2030, kurse ai maksimal, të arrijë në 30% të territorit të Zonave të Mbrojtura”, u shpreh ministrja e Turizmit dhe Mjedisit Mirela Kumbaro duke theksuar rolin e rëndësishëm që luan Agjencia Kombëtare e Zonave të Mbrojtura në mbrojtjen e habitateve dhe specieve të rëndësishme"-shprehet ministrja./CNA.al