E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

“Punojmë larg çdo lloj ndikimi”/ Altin Dumani: SPAK është një shembull që tregon se ndryshimi është i mundur

28 Tetor 2025, 14:40, Aktualitet CNA

Kreu i SPAK Altin Dumani ka deklaruar para studentëve të Universitetit Eqrem Çabej në Gjirokastër se një arritje e rëndësishme e SPAK-ut ka qenë goditja e grupeve të organziuara kriminale përmes hetimeve të ndërlikuara financiare dhe ndërkombëtare, duke përdorur mjete bashkëkohore hetimi, përfshirë ndjekjen e pasurive të përfituara në mënyrë të paligjshme.
Dumani theksoi se, përmes vendimeve të Gjykatës së Posaçme dhe sekuestrimeve të mëdha të aseteve, përfshirë edhe kriptovalutat, SPAK ka fituar besimin e publikut, një ndër elementët më të rëndësishëm të funksionimit të drejtësisë.

Ndër të tjera, Dumani ka nënvizuar se SPAK është një shembull që tregon se ndryshimi është i mundur. Kreu i SPAK shtoi se, ky institucion është ndërtuar nga prokurorë dhe hetuesë shqiptarë, njerëz të këtij vendi, që kanë zgjedhur të punojnë me përkushtim, larg çdo ndikimi.

“Një tjetër arritje e rëndësishme ka qenë goditja e grupeve të organizuara kriminale, përmes hetimeve të ndërlikuara financiare dhe ndërkombëtare, duke përdorur mjete bashkëkohore hetimi, përfshirë ndjekjen e pasurive të përfituara në mënyrë të paligjshme.
Përmes vendimeve të Gjykatës së Posaçme dhe sekuestrimeve të mëdha të aseteve, përfshirë edhe kriptovalutat, SPAK ka fituar besimin e publikut, një ndër elementët më të rëndësishëm të funksionimit të drejtësisë.

Unë besoj se çdo gjë nis nga mënyra individuale se si studiojmë, punojmë dhe sillemi në shoqëri.

Arsimimi europian nuk është thjesht marrja e njohurive të reja, por mbi të gjitha formimi qytetar, që na mëson të vlerësojmë respektin për ligjin, meritokracinë dhe transparencën.

SPAK është një shembull që tregon se ndryshimi është i mundur.
Ky institucion është ndërtuar nga prokurorë dhe hetuesë shqiptarë, njerëz të këtij vendi, që kanë zgjedhur të punojnë me përkushtim, larg çdo ndikimi”, ka deklaruar Dumani./ CNA