web counter
LEXO PA REKLAMA!

SHKARKO APP

App Store
Google Play

E fundit!

x

Takimi në Universitetin "Eqrem Çabej"/ Dumani: Qëllimi i reformës në drejtësi, rritja e pavarësisë së sistemit

28 Tetor 2025, 13:59, Aktualitet CNA

Takimi në Universitetin "Eqrem Çabej"/ Dumani:

Kreu i Prokurorisë së Posaçme, Altin Dumani, ka marrë sot pjesë në takimin hyrës të projektit të BE-së për Edukimin dhe Qeverisjen Rajonale "EU4EduGovRegAL" në Universitetin “Eqrem Çabej” në Gjirokastër, financuar nga BE.

Në takim, Dumani ka folur edhe për reformën në drejtësi, ku është shprehur se u realizua përmes ndryshimeve thelbësore kushtetuese, ligjore dhe institucionale. Kreu i SPAK-ut është shprehur se qëllimi i kësaj reforme është rritja e pavarësisë së sistemit nga ndikimi politik dhe çlirimi nga korrupsioni.

“Të nderuar përfaqësues të Universitetit 'Eqrem Çabej'. Të nderuar profesorë, studentë dhe të ftuar. Është kënaqësi për mua të jem sot këtu me ju. Takimet me studentët na japin energji dhe na kthejnë pas në kohë, kur ëndrrat tona ishin më të mëdha se ne. Aktualisht, dua t’ju nxis që të përkushtoheni për t’i realizuar ato, në dobinë tuaj dhe në shërbim të vendit tonë.

Tema që na ka mbledhur sot është më shumë se një projekt; është një vizion për mënyrën se si duam të jetojmë dhe të kontribuojmë për një shoqëri më të drejtë, të ndershme dhe të denjë për familjen europiane.

Reforma në drejtësi, e mbështetur dhe koordinuar edhe me partnerët tanë ndërkombëtarë, u realizua përmes ndryshimeve thelbësore kushtetuese, ligjore dhe institucionale. Qëllimi i kësaj reforme është rritja e pavarësisë së sistemit, veçanërisht nga ndikimi politik, dhe çlirimi i tij nga korrupsioni dhe paaftësia”, është shprehur Dumani ndër të tjera. /CNA





Lajmet e fundit nga