web counter
LEXO PA REKLAMA!

SHKARKO APP

App Store
Google Play

Pse u largua Gledis Nano?/ Dalin në dritë detaje të reja

18 Nëntor 2022, 13:08, Aktualitet CNA

Pse u largua Gledis Nano?/ Dalin në dritë detaje të reja

Kryetari i Partisë Demokratike, Sali Berisha pretendon se largimi i ish-drejtorit të Përgjithshëm të Policisë, Gledis Nano nga posti, është bërë në mënyrë antiligjore.

Sipas tij ky largim lidhet me skemën e call-centerave.

Kreu i PD u shpreh se Nano u hoq me pretekstin sikur kishte spiunuar Ramën në ambasadë, por sipas Berishës nëse një kryepolic raporton veprimtarinë kriminale të qeveritarëve, ai bën një detyrë patriotike që meriton dekorata, jo të shkarkohet.

“Padrino është Olsi Rama. Ju e dini se si e përcolli në mënyrën më antiligjore drejtorin e policisë Gledis Nano Edi Rama me pretekstin se më spiunoi në ambasadë dhe çfarë spiunimi mund të bënte një kryepolic. Në qoftë se një kryepolic u thotë partnerëve veprimtarinë kriminale të qeveritarëve ai bën një detyrë patriotike. Ai meriton dekorata, ai mbron interesat e vendit të tij dhe të kombit të tij. Unë nuk e njoh fare, s’e kam takuar kurrë Gledis Nanon, por di që ai… se kjo histori është bërë akute përsëri tani së fundi, ishte pikërisht se në skemën e hetimit përfshihej edhe Olsi Rama sepse një pjesë e mirë e call-centerave po zhduket, po mbyllet për një penalitet për një tjetër dhe këto të tjerat që mbushin kuletat e këtij rrjeti, klanit Rama jo të qeverisë me bitcoin, punojnë të qeta.

Falënderoj shumë autoritetet ligjzbatuese spanjolle, italiane, gjermane dhe të vendeve të tjera të cilat kanë marrë përsipër dhe po zbërthejnë këtë skemë të papërshkruar vjedhjeje të autoriteteve shqiptare gjysmë zyrtare dhe zyrtare”, tha Berisha./CNA.al





Lajmet e fundit nga