web counter
LEXO PA REKLAMA!

SHKARKO APP

App Store
Google Play

Pas vendimit të gjykatës, reagon motra e 42-vjeçarit: Po e vrasin për herë të tretë

13 Gusht 2024, 12:57, Aktualitet CNA

Pas vendimit të gjykatës, reagon motra e 42-vjeçarit: Po e

Motra e 42-vjeçarit që u vra në Pogradec ka reaguar pas vendimit të gjykatës për autorin e vrasjes Denis Meçen dhe tre personat e tjerë, të cilët janë lënë në masën e sigurisë detyrim me paraqitje për moskallëzim krimi.

Jonida Proga është shprehur se është padrejtësi dhe se vëllai i saj po vazhdon të vritet me çdo veprim dhe mosveprim që është duke u kryer. Jondia Proga thotë se kjo është vrasje për herë të tretë.

"Po flisni për padrejtësi që filloi nga policia e shtetit, padrejtësi duke filluar nga regjistrimet, çdo akt që kanë sjellë ata, akt që ka shoqëruar edhe gjykatën në padrejtësi. Janë lënë të lirë të gjithë vrasësit, flasim për padrejtësi të menjëhershme, në kohë, në bashkëpunim. Flasim për banda të bëra bashkë. Kam parë skedën e vdekjes, me shënim "është vrasje". Çfarë janë këta të tjerët që lihen me detyrim paraqitje?

Po vazhdon të vritet Egli, me çdo veprim dhe mosveprim që është duke u kryer. Kjo është vrasje për herë të tretë.

Po flasim për vrasje me dashje, në bashkëpunim, në masë, të një njeriu të pafajshëm dhe janë lëshuar një tufë huliganësh. Kjo është.

Duke njohur kontigjentët, unë nuk jam në dijeni për gjobë, por duke njohur elementët është gjëja më e rëndë. Kur guxohet ta vrasësh me grushte një njeri, do të thotë që çdo gjë tjetër është e mundur. Është bërë më ekstremi, më e madhja", ka deklaruar motra e viktimës./ CNA





Lajmet e fundit nga