E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Padia për shpifje/ Brisida Shehaj kërkon riçeljen e hetimit gjyqësor me Ramën

1 Mars 2024, 10:29, Aktualitet CNA

Padia për shpifje/ Brisida Shehaj kërkon riçeljen e hetimit

Edi Rama dhe Brisida Shehaj

Ish-drejtoresha e Tatimeve, Brisida Shehaj, kërkon riçeljen e hetimit gjyqësor me kryeministrin Edi Rama, për padinë e bërë nga ky i fundit në maj të vitit 2022, ku e akuzoi për shpifje pas deklaratave për ngritjen e bordit të çmimeve.

Të premten po zhvillohet seanca e radhës në Gjykatën e Tiranës mes kryeministrit Edi Rama dhe ish-drejtoreshës së Tatimeve, Brisida Shehaj.

Në padinë e bërë nga Rama në maj të 2022-shit, ky i fundit pretendoi të jetë dëmtuar nga deklarime të bëra nga Shehaj në një video-postim në profilin e saj në "Instagram" pas lajmërimit qeveritar për ngritjen e Bordit të Transparencës për çmimin e naftës. Duke i cilësuar si shpifëse dhe të pabaza disa nga deklarimet e Shehajt, Rama kërkoi të dëmshpërblehet me 1 milion lekë prej saj.

Ndërkohë, Brisida Shehaj akuzon kryeministrin se vendimmarrja me Bordin e Transparencës ishte në dëm të qytetarëve. Shehaj aktualisht kërkon rihapjen e hetimit gjyqësor për administrimin e provave të reja të dala ditët e fundit.

Në kërkesën e dorëzuar në padi nënvizohet se rrëfimi i ish-zv.kryeministrit Arben Ahmetaj konfirmon për akuzat e bëra më herët nga Shehaj, si dhe rrëfimi tij tregoi se kryeministri ha dreka me oligarkët dhe u jep atyre pasuri kombëtare.

Sakaq, Shehaj pretendon se është provuar që qeveria u ka dhënë licenca ndërkombëtarëve dhe kjo duket qartë në dosjen "McGonigal", ish-agjentit të FBI-së.

AKUZAT:

Shehaj akuzoi Ramën: Doli kryeministri dhe tha: 'Do ngremë një bord!' Se nuk i ul taksat ky, s’ka si i ul taksat.

Shehaj akuzoi Ramën: Nuk ka si i ul, duhet të kuptoni që ky e vjedh kaq shumë këtë buxhet.

Shehaj akuzoi Ramën: Ka marrë kaq shumë angazhime për këto koncesione sa ky nuk e bën dot këtë gjënë, kaq e thjeshtë është.

Shehaj akuzoi Ramën: Administrata Tatimore, e drejtuar po nga qeveria e Edi Rama, 70% e tyre i ka çuar në prokurori për evazion fiskal për mashtrim.

Shehaj akuzoi Ramën: Tani gjyqtarët e prokurorët mbyllin dosjet dhe ky zotëria do t’i marrë këta dhe do t'i fusë te Bordi?

Shehaj: Nuk të pashë ndonjëherë të denoncosh prokuror apa gjyqtar që mbyll dosjen e këtyre të naftës.

Shehaj-Ramës: Nuk pashë denoncim të ndërkombëtarëve që vjedhin naftën tonë.

Shehaj: Nuk fole për ministrin që shkarkohet, që vëllai i tij mori rafinerinë dhe e bëri për skrap./CNA