OSHEE, masa për sezonin turistik/ Zhuka: Asnjë tolerancë për abuzuesit e energjisë

2 Gusht 2025, 16:33, Aktualitet CNA

OSHEE, masa për sezonin turistik/ Zhuka: Asnjë tolerancë për

Në kuadër të sezonit turistik, OSHEE ka marrë të gjitha masat për furnizim të plotë me energji elektrike, si në zonat bregdetare ashtu edhe në alpe.

Grupet e OSHEE janë në terren për të bërë të mundur riparimin e çdo avarie të mundshme. Ndërsa temperaturat e larta kanë ndikuar edhe në rënien e zjarreve ku janë shkaktuar edhe disa problematika në zonën e Lezhës dhe Pukës.

“Dua të njoftoj për masat që ka marrë OSHEE për këtë sezon turistik veror, ku deri tani nuk kemi pasur avari të parikuperueshme. Specialistët janë të gjithë në terren. Kemi pasur peripeci për shkak të zjarreve, që shpeshherë i vënë të qëllimshme dhe penalizojnë pjesën tjetër. Kjo ka ndodhur në zonën e Lezhës, Pukës e Fushë-Arrezit. Megjithatë ne kemi ndërhyrë dhe kemi rikthyer normalitetin. Sa i takon grupeve të punës, janë në terren duke ia dalë të riparojnë çdo avari. Kemi stacionuar grupe pune si në Velipoje, Shëngjin dhe në Malësi. Një pjesë e linjave janë rigjeneruar. Defekte nuk kemi në linja, përveç atyre nga kushtet natyrore”,-tha Armand Zhuka, Drejtor i OSHEE, Rajoni Verior.

Sa i takon problematikave me shkëputjen e energjisë elektrike në qytet, Zhuka thekson se shkak janë kushtet atmosferike, teksa paralajmëron zero tolerancë për ata që abuzojnë me energjinë elektrike.

“Shkëputje sporadike mund të ketë sepse mund të ketë defekte të vogla dhe ne i stakojmë derisa i riparojmë. Rrebeshi i një ditë më parë kishte avari, por tani çdo gjë është në rregull. Investime do të ketë në veri. Dhe me këtë rast do apeloja për korrektësi në fatura. Çdo konstatim që ndeshim për vjedhje, ne do ta dencojmë dhe do përballen me ligjin”,-tha Zhuka.

Ndonëse fenomeni i abuzmit me energjinë eleketrike është zvogëluar, sërish vijon të jetë prezent teksa drejtori Zhuka i bën thirje çdo qytetari personi se në rast shkeleje do të përballen me ligjin./CNA