E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

OSBE trajnon gjyqtarët dhe prokurorët e ardhshëm mbi trafikimin e qenieve njerëzore

6 Dhjetor 2024, 19:03, Aktualitet CNA

OSBE trajnon gjyqtarët dhe prokurorët e ardhshëm mbi trafikimin e

Më 4 dhe 5 dhjetor, Prezenca e OSBE-së në Shqipëri dhe Shkolla e Magjistraturës, organizuan një trajnim të specializuar mbi trafikimin e qenieve njerëzore, me një fokus të veçantë te trafikimi i fëmijëve. Trajnimi u bazua në formatin interaktiv të një gjyqi imitues, duke u ofruar 15 studentëve magjistratë përvojë praktike teksa përgatiten për funksionet e ardhshme si gjyqtarë dhe prokurorë.

OSBE trajnon gjyqtarët dhe prokurorët e ardhshëm mbi trafikimin e

“Ky gjyq imitues – unik si në përmbajtje ashtu edhe në metodologji – përfaqëson pikën kulmore e një projekti dyvjeçar të zbatuar nga Prezenca e OSBE-së në mbështetje të Shkollës së Magjistraturës,” tha Ambasadori Michel Tarran, Kreu i Prezencës së OSBE-së në Shqipëri. “Mbështetur nga qeveritë e Shteteve të Bashkuara, Norvegjisë dhe Italisë, kjo nismë përfshin një qasje gjithëpërfshirëse të ‘trajnimit të trajnerëve’ dhe plotësohet nga një manual i përshtatur posaçërisht për kontekstin shqiptar.”

OSBE trajnon gjyqtarët dhe prokurorët e ardhshëm mbi trafikimin e

Gjatë hapjes së trajnimit të gjyqit imitues, Arben Rakipi, Drejtori i Shkollës së Magjistraturës, theksoi rëndësinë e integrimit të metodave novatore të mësimdhënies, sikurse janë simulimet gjyqësore, në kurrikulën e shkollës.

“Metoda të tilla novatore mësimdhënieje i pajisin studentët magjistratë me njohuri dhe aftësi të vlefshme për përballimin e sfidave ligjore komplekse me efikasitet,” vuri në dukje ai.

OSBE trajnon gjyqtarët dhe prokurorët e ardhshëm mbi trafikimin e

Të udhëhequr nga profesionistë të lartë të drejtësisë, duke u ushtruar në simulimin e skenarëve të gjyqeve reale, pjesëmarrësit përfituan njohuri thelbësore rreth trajtimit të çështjeve të trafikimit të qenieve njerëzore me ndjeshmëri dhe saktësi.

Kjo nismë nxjerr në pah angazhimin e OSBE-së për forcimin e kapaciteteve të sistemit gjyqësor dhe për avancimin e luftës kundër trafikimit të qenieve njerëzore. Duke i pajisur gjyqtarët dhe prokurorët e ardhshëm me përvojë dhe njohuri praktike, ajo synon një reagim më të fuqishëm të sistemit gjyqësor ndaj kësaj shkelje të rëndë të të drejtave të njeriut.

OSBE trajnon gjyqtarët dhe prokurorët e ardhshëm mbi trafikimin e