web counter
LEXO PA REKLAMA!

SHKARKO APP

App Store
Google Play

E fundit!

x

“Nuk bëhet protestë me prokurë"/ Ish-ministri, thirrje qytetarëve: Mbroni veten

14 Korrik 2022, 11:29, Aktualitet CNA

“Nuk bëhet protestë me prokurë"/ Ish-ministri, thirrje

Ish-ministri i Drejtësisë, Ylli Manjani, ka reaguar në lidhje me dy protesta paralele që po zhvillohen ditën e sotme, njëra nga avokatët që kundërshtojnë hartën e re gjyqësore, dhe tjetra nga aktivistët për mbrojtjen e Butrintit.

Në një postim në rrjetet sociale, Manjani shkruan se në fakt ata që do të duhej të protestonin janë qytetarët, që duhet të ngrihen për mbrojtjen e interesit të tyre.

“Janë 2 protesta paralele:

Protestohet për mbrotjen e Butrintit dhe, për mbrotjen e qytetarëve nga efektet e tmerrshme të hartës gjyqsore.

Personalisht i mbështes të dyja protestat. Janë qëllimmira dhe në shërbim të drejtpërdrejt të interesit publik.

Pyetja që vijon të më mundojë është:

Po publiku ku është ndërkohë që për interesin e tij protestohet!?

Butrini,Apollonia,Dyrrahu, Lisusi etj janë prona e trashëguar në shekuj e këtij publiku,vi cili mesa duket parapëlqen më mirë të ndjehet si ish-pronar sesa si zotërues i pronës së tij...! ??

Ata që sot protestojnë, janë shqiptarë të mirë dhe meritojnë respekt, por nuk janë pronarët e Butrintit. Pronarët janë në plazh. Të votuarit e pronarëve të blinduar në pushtet.

Filmi mbaron....

E kemi parë këtë film, por nuk mësuam gjë.

Ishim pronarë të Teatrit Kombëtar, sot jemi ish-pronarë. E lejuam vetë shembjen e tij, megjithë përpjekjet e një grupi artistësh e qytetarësh të mirë.

Nuk protestohet me përfaqësim!!!

-Shërbimi gjyqësor nuk është krijuar për avokatët, por për shtetasit e Republikës. Nëse Republika politike e vështirëson këtë shërbim, kjo nuk bëhet për inat të avokatëve. Avokatët protestojnë dhe meritojnë respekt, por nuk zëvendësojnë dot kurrë publikun që është përfitues i këtij shërbimi.

Para KLGJ, KLP e kaladreqit t'mallkum duhet të protestonte publiku i pari dhe jo thjesht avokatët.

Nuk bëhet protestë me prokurë...!

Në këto kushte, ta gëzojë ky publik hartën e re gjyqsore dhe të përgatitet për rritje të shpenzimeve edhe për avokatët...

Ky është vendimi që ai, publiku pra, ka marrë me përfaqësuesit e tij që ka votuar...

Nuk di llogjikë tjetër të përshkruaj këtë situate”-shkruan Ylli Manjani./CNA.al





Lajmet e fundit nga