E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Një javë bojkot/ Pedagogët, sërish në rrugë

21 Tetor 2022, 11:02, Aktualitet CNA

Pedagogët kanë rinisur protestën, duke shënuar kështu ditën e pestë të bojkotit, që nga nisja e vitit të ri akademik.

Kreu i sindikatës së pedagogëve u ka bërë thirrje studentëve për mbështetje. Gjithashtu ai u ka bërë thirrje deputetëve që ta diskutojnë çështjen e tyre në Kuvend.

I pyetur për deklaratën e ministres së Arsimit dhe Sportit, Evis Kushi, për plotësimin e disa prej kërkesave të pedagogëve, Kovaçi përsëriti se nëse nuk rritet buxheti për arsimin e lartë pjesa tjetër mbetet zgjidhje për kërkesa teknike.

Një javë bojkot/ Pedagogët, sërish në rrugë

"Le të jemi të gjithë bashkë ditën e hënë, të vijnë edhe studentët me kërkesat e tyre, i ftojmë të na bashkohen. U kërkojmë parlamentarëve të fusin në axhendën e tyre ligjin e arsimit të lartë publik. Ne themi që jemi në rrugën e duhur, në rrugën tonë.
Pa buxhetim nuk ka ndryshim në arsimin e lartë, të tjerat janë gjëra teknike. Ato janë shumë teknike, i falënderojmë po ato tekniket duhet t'i kishin bërë më përpara”, është shprehur Kovaçi.

Ky i fundit ka njoftuar se ditën e hënë në orën 11:00 do të mbahet protestë kombëtare.

“Të hënën në orën 11:00 protestë kombëtare, ku të gjithë pedagogët dhe studentët i ftojmë të jenë këtu dhe të diskutojmë. Le të kthehet ky peticion si një nismë për ndryshimin e situatës në universitete. U kërkojmë autoriteteve të dekanateve që të mbledhin Asambletë dhe të vendosin mbi mënyrën si ata do mbajnë qëndrim ndaj peticionit. Kërkojmë nga përfaqësuesit e studentëve të mblidhen dhe të diskutojnë për realizimin e këtij peticioni, që kërkesat të kenë impakt të përbashkët si te pedagogët ashtu dhe te studentët. Nëse nuk do të ketë rritje të pagave, do vijojmë me protestën”, u shpreh Kovaçi./CNA.al