web counter
LEXO PA REKLAMA!

SHKARKO APP

App Store
Google Play

E fundit!

x

Maratona e Tiranës, shefi i qarkullimit apel qytetarëve: Të dielën lërini makinat në shtëpi/ Rrugët që do të bllokohen

21 Tetor 2022, 10:38, Aktualitet CNA

Maratona e Tiranës, shefi i qarkullimit apel qytetarëve: Të

Maratona e Tiranës është eventi më i madh në kryeqytet, ndërsa këtë vit vjen në edicionin e tij të 6-të në 23 tetor.

Gentjan Vocaj, shef i qarkullimit në policinë bashkiake, u ka bërë thirrje të gjithë qytetarëve që ditën e diel t’i kenë larguar automjetet e parkuara në itinerarin e Maratonës, në të kundërtën, do të largohen me karrotrec.

Bllokimi i trafikut do të fillojë në orën 8 të mëngjesit deri në orën 16:00. Pas orës 16:00 Tirana do vazhdojë jetën normale si zakonisht.

“Rrugët kryesore janë bulevardi 'Gjergj Fishta', i cili ka mjete të parkuara, bulevardi 'Bajram Curri', kjo është pjesa nga ura e Tajvanit deri tek ura e Gjykatës së Shkallës së Parë. Kemi rrugën 'Ibrahim Rugova' e cila vazhdon deri tek ish-Garda, kemi rrugën 'Lek Dukagjini', rrugën 'Papa Gjompali' dhe 'Xhorxh Bush'. Këto janë rrugë që kanë mjete të parkuara qoftë në zonat ku lejohet parkimi, qoftë në zonat ku janë parkimet të rezervuara. I bëjmë thirrje të gjithë qytetarëve që kanë mjet të parkuar në këto zona t’i lëvizin para datës 23 sepse në 22 pasdite do të fillojë lëvizja e tyre me karrotrec nga efektivët e policisë bashkiake”, ka thënë Gentjan Vocaj.

Madje ai u bën apel të gjithëve që të dielën të mos dalin me makinë, por në këmbë sepse shumë rrugë të Tiranës do jenë të bllokuara.

“Për ditën e Maratonës kemi prapë një apel, kësaj radhe për këmbësorët. Nga eksperienca që kemi pasur vitet e kaluara ka qenë me këmbësorët. Këmbësorët duhet të mirëkuptojnë. Nuk mund të presin itinerarin e Maratonës përveçse në pikat e caktuar për këtë qëllim ku do ketë punonjës të policisë bashkiake, zakonisht janë vijat e bardha por dhe aty duhet të tregojnë pak durim pasi nuk mund ta ndërpresin Maratonën ndërkohë që ka vrapues. Duke u nisur nga eksperienca e vitit të kaluar po them këtë, ju lutemi shumë të keni durim sepse nuk mund të vonohen më shumë se 5-10 minuta maksimumi. Maratona është një ngjarje e bukur sportive dhe argëtuese e Tiranës dhe mund ta shfrytëzojnë”, është shprehur Vocaj për "Klan News".

Sipas Vocajt, në rast se qytetarët duhet të dalin patjetër, duhet të gjejnë rrugë alternative, të cilat nuk ndërpresin itinerarin e Maratonës.

Ndërsa rastet e emergjencës do të shikohen hap pas hapi.

“Për rastet e emergjencës do shikohen rast pas rasti, ne kemi marrë disa masa, zona e maternitetit do ketë një kanal, një rrugë të veçantë, te materniteti Zogu i Parë pasi ka qenë një problematikë që u ndesh vjet, do shikohen rast pas rasti. Por po flas në përgjithësi, qytetarët atë ditë të lënë mjetin në shtëpi dhe të shfrytëzojnë aktivitetin”, është shprehur më tej Vocaj./CNA.al





Lajmet e fundit nga