web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Mish pule me salmonelë nga Brazili në Shqipëri, produkte të skaduara në treg

28 Mars 2025, 14:17, Aktualitet CNA

Skandali/ Mish pule me salmonelë nga Brazili në Shqipëri,

Një tjetër skandal ka ndodhur në Shqipëri. Një sasi e konsiderueshme me fileto pule me bakterin e salmonelës ka hyrë pak ditë më parë në Shqipëri. 

Mësohet se sasia e mishit me bakterin e salmonelës ka ardhur nga Brazili dhe dyshohet se është hedhur në treg pa pritur rezultatin e analizave. 

Pas këtij skandali ka ardhur dhe reagimi i vonuar i AKU-së, pasi produkti ka hyrë prej ditësh në Shqipëri dhe nuk janë kryer verifikimet e duhura. 

"Në kuadër të transparencës dhe informimit të publikut, si dhe në funksion të garantimit të sigurisë ushqimore dhe mbrojtjes së shëndetit të konsumatorëve, Autoriteti Kombëtar i Ushqimit ka ndërmarrë një sërë masash të menjëhershme dhe të strukturuara për të adresuar një situatë të identifikuar para disa ditësh gjatë proceseve të kontrollit të produkteve ushqimore të importuara në Portin e Durrësit.

Referuar analizimit në ISUV në datën 21.03.2025, për prani të Salmonella Typhimurium në një mostër produkt pule (fileto e ngrirë), e importuar nga Brazili, AKU ka ndërhyrë në mënyrë të koordinuar me strukturat përgjegjëse për gjurmimin, verifikimin dhe bllokimin e produktit në fjalë, si dhe për marrjen e masave administrative dhe ligjore ndaj subjektit përgjegjës.

Është inspektuar subjekti importues për ndjekjen e gjurmueshmërisë, i cili është referuar në organet e Prokurorisë së Rrethit Gjyqësor Tiranë, për veprime të mëtejshme proceduriale, për sa i takon elementëve të veprës penale për mosrespektim të kritereve të gjurmueshmërisë dhe dhënie të informacionit të pasaktë.

Autoriteti Kombëtar i Ushqimit siguron publikun se situata është në ndjekje të vazhdueshme dhe se çdo veprim është ndërmarrë në funksion të transparencës, sigurisë dhe mbrojtjes së shëndetit të qytetarëve.

Për çdo zhvillim të mëtejshëm, AKU do të vijojë të informojë në mënyrë të saktë dhe të përgjegjshme", thuhet në njoftim./ CNA





Lajmet e fundit nga