web counter
LEXO PA REKLAMA!

SHKARKO APP

App Store
Google Play

“Më shumë fonde për kishën dhe më pak për politikanët e korruptuar”, Fundo i bën thirrje shtetit

28 Janar 2025, 21:31, Aktualitet CNA

Gazetari, Elvi Fundo i ftuar në emisionin "Now" të Erla Mëhillit foli edhe për pasardhësin e mundshëm të Kryepeshkopit Janullatos. Fundo, theksoi se Kryepeshkopi i ardhshëm do të jetë shqiptar. Ndër të tjera, Fundo shtoi se shteti duhet të japë më shumë fonde për kishën dhe jo të humbasë para me inceneratorë.

“Kryepeshkopi i ardhshëm do të jetë shqiptar, në një kishë autoqefale që u ndërtua nga një burrë i lindur si grek dhe që vdiq si shqiptar. E ndërtoi nga hiri kishën, mbi 33-vite kontribut i pashtershëm dhe i pandalshëm me një besim në zot që vetëm misionarët e kanë.

Kemi qenë me fat që kishim një shënjtëror. Pasardhësi do të ketë bekimin e tij, rrugën do ta ketë më të lehtë, pa gremina dhe kthesa, struktura do të jetë e gatshme, do të ketë shkolla dhe priftërinj që do t’i shërbejnë.

Fondet janë qesharake, shteti duhet të japë më shumë fonde sepse janë pafund për këto inceneratoret. Shteti duhet të japë më shumë për rindërtimin e objekteve të kultit që janë pjesë e historisë. Janë shumë para që humbasin dhe shkojnë në xhepat e politikanëve të korruptuar.

Kështu, autoritetet fetare do të ishin më autonome dhe nuk do të ishim kaq të “frikësuar” për influencat e huaja”, tha Fundo. /CNA





Lajmet e fundit nga