web counter
LEXO PA REKLAMA!

SHKARKO APP

App Store
Google Play

Mbledhja e Grupit Parlamentar/ Zbulohen skenarët e PS-së për ndarjen e re territoriale

28 Mars 2026, 20:43, Aktualitet CNA

Mbledhja e Grupit Parlamentar/ Zbulohen skenarët e PS-së për

Kabineti qeveritar dhe Grupi Parlamentar i Partisë Socialiste kanë zhvilluar ditën e sotme në Pallatin e Brigadave, një mbledhje me dyer të mbyllura, e cila ka zgjatur për rreth gjashtë orë.

Në mbledhje, sipas raportimeve, kryetari socialist i Komisionit të Posaçëm për Reformën Administrativo-Territoriale, Arbjan Mazniku ka prezantuar 4 skenarë të mundshëm të ndarjes së re territoriale të vendit.

Mazniku është shprehur se asnjë skenar nuk është zgjedhja përfundimtare, ndërsa tha se process do të kalojë nëpër konsultime publike, dëgjesa në territor dhe dokument politik para se të arrihet te paketa ligjore.

Sipas tij secili nga skenarët është bërë me vlerësim të detajuar ligjor dhe analizë përputhshmërie me Kartën Europiane të Autonomisë Vendore. 

Skenarët e ndarjes territoriale ishin si më poshtë:

Konsolidimi Funksional- Bashkitë e vogla bashkohen me fqinjet më të forta, qarqet mbeten si nivel koordinues. 

Konsolidim dhe Decentralizim- Bashki të mëdha në shkallën e ish-rretheve si nivel ekzekutiv kryesor, ndërsa ish-bashkitë aktuale marrin statusin e qytetit me kryetar e këshill të zgjedhur drejtpërdrejt. 

Forcimi i Qarkut- Ruhen të gjitha bashkitë dhe qarqet, por qarku transformohet nga nivel koordinues në nivel ekzekutiv real me zgjedhje të drejtpërdrejtë, funksionet ndahen sipas natyrës së tyre, jo sipas madhësisë së bashkisë. 

Rajonet Strategjike- Bashkitë shumë të vogla konsolidohen lehtësisht, qarqet thjeshtësohen, dhe shtohen katër rajonë strategjike për planifikimin afatgjatë, infrastrukturën e rëndësishme dhe fondet e BE-së. /CNA





Lajmet e fundit nga