web counter
LEXO PA REKLAMA!

SHKARKO APP

E fundit!

x

Mandati i Berishës në rrezik/ Gjokutaj: Po zhvillohet një estradë juridike

18 Qershor 2024, 13:02, Aktualitet CNA
Mandati i Berishës në rrezik/ Gjokutaj: Po zhvillohet një
Avokati Genc Gjokutaj, deklarate per mediat

Avokati Genc Gjokutaj ka folur pas përfundimit të seancës në Apelin e GJKKO-së, ku u la në fuqi masa e sigurisë arrest shtëpie për kreun e PD-së, Sali Berisha, dhe dhëndrin e tij Jamarbër Malltezi.

Teksa Berishës i rrezikohet mandati, Gjokutaj është shprehur se Berisha po qëndron në paraburgim ndërkohë që po kryhen veprime që nuk kanë lidhje me veprën e korrupsionit dhe ajo që po ndodh është një estradë juridike.

Sipas Gjokutajt, Berishës mandatin ia ka dhënë populli dhe mungesa në Kuvend nuk është me dëshirën e tij dhe për faj të tij, në këtë mënyrë mandati mbetet i pacenuar ligjërisht.

“Afatet e hetimit i ka përcaktuar ligji, këta i kanë shtyrë. Berisha po qëndron në paraburgim ndërkohë që po kryhen veprime që nuk kanë lidhje me veprën e korrupsionit! Hajde shpjegojeni ju dhe unë bashkë çfarë është kjo estradë juridike që këta po zhvillojnë.

Berishës mandatin ia ka dhënë populli. Berisha nuk mungon për shkak të dëshirës së tij. Ne kemi bërë kërkesën në SPAK, në gjykatë, Gjykatë të Lartë dhe ata kanë vendosur në kundërshtim me praktikën!

Mungesa e Berishës nuk është për faj të tij dhe mandati i tij mbetet i pacenuar ligjërisht“, tha Gjokutaj./ CNA





Lajmet e fundit nga