LEXO PA REKLAMA!

SHKARKO APP

Makinat me shpejtësi skëterrë/ Policia thirrje të fortë: Mos fluturoni në rrugë, do përballeni me kontrolle

24 Qershor 2022, 22:02, Aktualitet CNA
Makinat me shpejtësi skëterrë/ Policia thirrje të
Polic i rrugores në Bypassin e Fierit

Policia e Shtetit ka bërë një thirrje për të gjithë shoferat, teksa ka publikuar disa foto nga Bypassi i Fierit, ku po bëhen kontrolle.

Blutë bëjnë me dije se deri më tani kanë kapur automjete me shpejtësi që arrin deri në 190km/h.

Duke marrë shkas nga kjo, policia paralajmëron shoferët të zbatojnë rregullat, pasi në të gjitha rrugët e vendit ka makina inteligjente, radare automatike, kamera, drone dhe aparate fotografike.

“Makina inteligjente dhe radari automatik po vijojnë skanimet e shpejtësisë në të dy krahët e lëvizjes Fier-Vlorë dhe Vlorë-Fier.

Shpejtësi që arrin deri në 190km/h. Drejtues mjetesh, mos fluturoni në rrugë por zbatoni rregullat e qarkullimit rrugor.

Në të gjitha rrugët e vendit ka makina inteligjente, radar automatik, kamera, dron e aparat fotografik që përdoren nga punonjësit e Policisë Rrugore.

Mbroni jetën duke respektuar rregullat e qarkullimit rrugor”, thuhet në njoftim./ B.A. – CNA.al

Lajmet e fundit nga