web counter
LEXO PA REKLAMA!

SHKARKO APP

App Store
Google Play

E fundit!

x

Lorenc Vangjeli: Gylenistët do të merrnin pushtetin në Shqipëri

11 Tetor 2024, 10:20, Aktualitet CNA
Lorenc Vangjeli: Gylenistët do të merrnin pushtetin në
Analisti Lorenc Vangjeli

Analisti Lorenc Vangjeli komentoi mbrëmjen e djeshme dy rrymat e islamit në Shqipëri, teksa foli për inaugurimin e xhamisë së Namazgjasë dhe deklaratat e presidentit turk, Recep Tayyip Erdogan.

Në një dalje televizive, Vangjeli i dha të drejtë Erdogan-it për Gylenistët dhe u shpreh se kanë sjellë një rrymë që adhuron liderin.

Ai deklaroi se Gylenistët, si një ushtri e heshtur e një pushtimi të butë, tentuan të merrnin pushtetin në Shqipëri dhe depërtuan në legjislativ, qeverisje, forcat e armatosura, biznes, si dhe në sistemin bankar.

Sipas tij, kjo gjë mund të kishte ndodhur nëse nuk do të ishin ndaluar.

“Diskutimi që bëhet në Shqipëri, kam përshtypjen se na ngatërron në çdo llogari. Flitet për dy rryma, në islamin shqiptar, duke u thënë që në fillim se në marrëdhëniet mes dy vendeve kush mendon se besimtarët islamë që janë ura lidhëse e vëllazërisë me Turqinë është bindje kriminale e gabuar, antipatriotike. Jo populli shqiptar, populli turk, dy besime.

Në 2016, shoqëria indiferente shqiptare, pavarësisht sinjaleve të forta, flisnin për një lloj feje të re të islamit, në turqisht është shumë e prekshme ‘gylenizmi’, një fe që adhurohet lideri, ndërkohë që islami nuk e ka pjesë adhurimin ndaj liderëve.

Kjo ushtri e heshtur e një pushtimi të butë, kishte depërtuar në legjislativ, qeverisje, forcat e armatosura, biznes, sistemin bankar etj. Një shoqëri e llojit mason, për të bërë atë që tentuan të bëjnë të Turqi, pushtimi i heshtur, në Shqipëri në padijen tonë, gati-gati e kishin bërë.

Ajo që ndodhi në Stamboll në korrik të 2016-ës, përplasja mes Erdogan-it dhe gulenistëve, çliroi Shqipërinë nga një rrezik i frikshëm, përmasat e së cilës nuk i dimë, me padijen tonë kemi heshtur dhe nuk e dimë. Ka qenë edhe më keq akoma.

Kjo do shkaktonte pushtimin e butë të shtetit shqiptar, nga një organizatë që vepronte si një ushtri e heshtur që kishte depërtuar kudo. Rreziku është që do merrnin pushtetin dhe do drejtonin një vend. Shqipëria ishte një nga laboratorët e tyre për të marrë pushtetin, atë që tentuan ta bënin me Erdogan, por u prishnin me njëri-tjetrin. Në Shqipëri do ta bënin me shumë lehtësi, një vend kaq i vogël mund t’i ishin thyer gjunjët sa sot nuk do flisnim kështu”, theksoi analisti./ CNA





Lajmet e fundit nga