web counter
LEXO PA REKLAMA!

SHKARKO APP

App Store
Google Play

“Ky iku, pse të mos ikim edhe ne”/ Karamuço: Transferimi i të burgosurve nuk zgjidh problemin e sigurisë

15 Janar 2026, 21:17, Aktualitet CNA

“Ky iku, pse të mos ikim edhe ne”/ Karamuço: Transferimi

Eksperti i kriminalistikës, Ervin Karamuço, deklaroi sot se zhvendosja e personazheve me rrezikshmëri të lartë nga Burgu i Durrësit në IEVP të tjera nuk zgjidh problemin e sigurisë së këtij institucioni.

I ftuar në emisionin "Now", Karamuço u shpreh se kjo shpërndarje është një taktike e vjetër, e cila nuk funksionon më në kushtet e krijuara pas arratisjes së fundit.

“Kanë analizë risku të lartë si personazhe, por jo që të jetë evidentuar tentativa për tu arratisur.  Prandaj kjo është një shpërndarje që t’i bën, derisa të ulet kjo tendenca që ndonjëherë kanë këta individë që “Ky iku, pse të mos ikim edhe ne?”. Kjo formë taktike është e vjetër dhe nuk funksionon sot. Dhe pastaj fillon dhe i rimbledh sërish dhe i grupon po në atë burg. Por sipas një kriteri, kombinacioni dhe forme të re. Por a është kjo e përshatshmja? Nuk sjell asgjë kjo. Ne kemi hasur probleme e ngjarje, ku vetë perimetri i sigurisë nuk ka pasur probleme. Për mua sipas ligjit, duhet të jenë njësoj të sigurt si në Peqin, si në Durrës. Se me ligj dhe rregulla i ke njësoj në kategori. Dhe sa të ndodhë ndonjë ngjarje tjetër, më mirë t’i transferojmë”,-tha Karamuço./CNA





Lajmet e fundit nga