web counter
LEXO PA REKLAMA!

SHKARKO APP

App Store
Google Play

E fundit!

x

Korrupsioni, krimi i organizuar dhe pastrimi i parave/ Dumani, vizitë dyditore në Mbretërinë e Bashkuar

7 Korrik 2023, 10:19, Aktualitet CNA

Korrupsioni, krimi i organizuar dhe pastrimi i parave/ Dumani, vizitë

Drejtuesi i Prokurorisë së Posaçme, Altin Dumani, në datat 4 dhe 5 korrik 2023 zhvilloi një vizitë pune në Mbretërinë e Bashkuar, ku pati takime me përfaqësues të lartë të Home Office, National Crime Agency, Crown Prosecution Service dhe Foreign Office.

Në këto takime u diskutua rritja dhe forcimi i bashkëpunimit të SPAK-ut me agjencitë ligjzbatuese të Mbretërisë së Bashkuar në luftën kundër krimit të organizuar, korrupsionit dhe pastrimit të parave.

Dumani nënvizoi rëndësinë e kësaj vizite për prezantimin e strategjisë, por dhe nevojës për mbështetje të SPAK-ut nga autoritetet zyrtare të Mbretërisë së Bashkuar në përmbushjen e objektivave dhe synimeve të saj, të cilat u shërbejnë interesave të përbashkëta të të dyja vendeve.

Dumani cilësoi rritjen e bashkëpunimit me agjencitë ligjzbatuese të Mbretërisë së Bashkuar kryesisht në ngritjen e skuadrave të përbashkëta hetimore, hetimeve paralele, shkëmbimin e të dhënave dhe forcimin e kapaciteteve njerëzore në hetimin financiar.

Autoritetet zyrtare të Mbretërisë së Bashkuar shprehën konsideratat e tyre për rolin dhe punën e rëndësishme të SPAK-ut dhe shprehën angazhimin për të parë mundësitë e rritjes së bashkëpunimit midis SPAK-ut dhe agjencive ligjzbatuese të Mbretërisë së Bashkuar.

Të gjitha palët e konsideruan këtë vizitë pune mjaft të suksesshme në përmbushjen e objektivave të përbashkët.

Drejtuesi i SPAK-ut falënderoi organizatorët e këtyre takimeve dhe veçanërisht përfaqësuesit e lartë të Home Office dhe Ambasadës Britanike në Tiranë, për krijimin e kësaj mundësie dhe për besimin e dhënë SPAK-ut në vendosjen e një partneriteti afatgjatë midis tyre.





Lajmet e fundit nga