web counter
LEXO PA REKLAMA!

SHKARKO APP

App Store
Google Play

E fundit!

x

Ambasadori gjerman, mesazhe nga Korça/ “Vendet e Ballkanit Perëndimor s’duhet të bëjnë hapa pas”

6 Korrik 2023, 17:37, Aktualitet CNA
Ambasadori gjerman, mesazhe nga Korça/ “Vendet e Ballkanit
Ambasadori gjerman, Peter Zingraf

Ambasadori gjerman, Peter Zingraf ka komentuar zhvillimet e fundit në Ballkan, në fokus të së cilave është situata në veri të Kosovës.

Ambasadori gjerman tha se vendet e Ballkanit Perëndimor nuk duhet të bëjnë hapa pas dhe duhet të fokusohen te "Procesi i Berlinit".

Ai theksoi se Gjermania është e angazhuar në të gjashta shtetet e Ballkanit, në funksion të gjetjes së pajtimit dhe proceseve që i sjellin ato më afër njëra-tjetrës.

“Gjermania është e angazhuar në të gjashta shtetet e Ballkanit, në funksion të gjetjes së pajtimit dhe proceseve që i sjellin më afër vendet e Ballkanit. Unë jam këtu në Shqipëri, me detyrën si ambasador në Shqipëri për të folur për të, megjithatë sa i takon rajonit do të doja që të gjashta vendet nuk do të duhet t’i lejonin vetes hapa pas sepse hapat pas, duke konsideruar dhe situatën në botë, do të ishin vërtet hapa negativë. Por mund të them se forumi i Procesit të Berlinit ka arritur shumëçka në këtë drejtim, prej 2014 ka bërë që qeveritë të ulen në një tavolinë në mënyrë të rregullt dhe periodike dhe madje kjo është përsëritur prej zotit Rama në shumë raste dhe situata. Ndaj unë do të thoja që shfrytëzojeni këtë mundësi që ju jep procesi i Berlinit për të qenë sa më afër njëri-tjetrit”, theksoi Zingraf./ CNA.al





Lajmet e fundit nga