E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Koncesioni i sterilizimit/ PD, kujtesë SPAK-ut: Rama amnistoi për herë të dytë Beqajn

21 Nëntor 2023, 15:33, Aktualitet CNA

Koncesioni i sterilizimit/ PD, kujtesë SPAK-ut: Rama amnistoi për

Deputetja e PD-së, Albana Vokshi

Deputetja e PD-së, Albana Vokshi, përmes një deklarate për mediat i ka kujtuar SPAK-ut rolin e ish-ministrit të Shëndetësisë, Ilir Beqaj, në koncesionin 100 milionë euro të sterilizimit.

Vokshi deklaroi se SPAK-u ka vendosur të shpëtojë për të dytën herë Beqajn me urdhër të Ramës.

Dredhia e SPAK-ut, sipas Vokshit, është fakti se e akuzon ish-ministrin se nuk ka zbuluar konfliktin e interesit midis Rrapajt dhe Rjepajt, si dhe nuk kishte evidentuar koston e shtuara.

Ajo thekson se, sipas SPAK-ut, Rjepaj dhe Rrapaj ishin ata që do të duhet të deklaronin me shkrim lidhjet mes tyre, dhe me Ilir Beqajn, dhe po kështu duhet të përjashtonin veten nga procesi i PPP. Me këtë përpjestim të akuzës, Edi Rama, po e merr sërish në mbrotje Ilir Beqajn.

Deklarata e plotë e PD-së:

Edi Rama e amnistoi për herë të dytë në 4 muaj Ilir Beqjen.

Katër muaj më parë gjykatësi i kërkoi SPAK të hetonte Ilir Beqen, të cilin nuk e kishte përfshirë nën hetim. SPAK shpalli të shtunën e kaluar vendosjen e masave të sigurisë për Ilir Beqjen me akuzën për “shpërdorim detyre».

SPAK bëri hilen e dytë në katër muaj për hatër të Ramës dhe në favor të Beqjes duke e akuzuar ish-ministrin se nuk ka zbuluar konfliktin e interesit midis Rrapajt dhe Rjepajt” (ata kishin qenë shokë klase), si dhe nuk kishte evidentuar koston e shtuara.

Pra, sipas SPAK, Rjepaj dhe Rrapaj ishin ata që do të duhet të deklaronin me shkrim lidhjet mes tyre, dhe me Ilir Beqajn, dhe po kështu duhet të përjashtonin veten nga procesi i PPP.

Me këtë përpjestim të akuzës, Edi Rama, po e merr sërish në mbrotje Ilir Beqajn.

Sot duam t’i rikujtojme SPAK rolin që ka pasur Ilir Beqaj në koncesionin e Sterilizimit.

KLSH ka konstatuar në lidhje me komcesionin e Sterilizimit: ka rezultuar se, për ndërhyrjet kirurgjikale të kryera gjatë vitit 2022, në tre llojet e spitaleve, universitare, rajonale dhe bashkiake, ka përdorim të seteve të ndryshme për të njëjtën tipologji kirurgjikale, në 15,339 raste në Spitalet Universitare; në 8,708 raste në Spitalet Rajonale dhe në 55 raste në Spitalet Bashkiake.

Niveli i lartë i deviacioneve, ku për të njëjtën tipologji kirurgjikale përdoren nivele të ndryshme të kompleksitetit të seteve, ku në spitalet universitare arrin deri në 52 % të rasteve, në spitalet rajonale deri në 48.5 % të rasteve, kundrejt totalit të ndërhyrjeve, reflekton mangësitë në përfshirjen e kirurgjive sipas tipologjisë, referuar nivelit të seteve, por dhe të përmbajtjes me instrumente mjekësorë të seteve referuar nivelit të kompleksitetit, gjë e cila është e shoqëruar edhe me rritjen e kostove të këtij shërbimi dhe për rrjedhojë të mbështetjes buxhetore për vazhdimësinë.

Ka rezultuar se për tre kontrata vlera e financimit vjetor, si dhe parashikimet e financimit të tyre në PBA 2022-2024, janë përtej mbështetjes buxhetore të parashikuar për zbatimin e tyre.

Rekomandimi:

të rishikohet Kontrata – përfshirjen e kirurgjive sipas tipologjisë, referuar nivelit të seteve;

– numrin dhe llojin e instrumenteve dhe pajisjeve mjekësore që duhet të përmbajë një set, duke rritur gamën e tyre me qëllim minimizimin e kostove të këtij shërbimi,

Mbi pagesën e TVSH për shërbimet mjekësore:

Për dy kontrata, në shkelje të ligjit është bërë pagesa me TVSH, në shkelje flagrante të ligjit.

– PPP “Kontrolli mjekësor bazë

– PPP “Sterilizimit të instrumenteve dhe pajisjeve mjekësore

Tabela nr.3.65 “TVSH sipas kontratave PPP”/ Në mijë lekë

Nr PPP Vlera e faturave të paguara me TVSH TVSH e paguar

1 Kontrolli mjekësor bazë 803,076 133,846

2 Sterilizimi 1,699,975 283,329

Totali 2,503,051 417,175

Burimi i të dhënave FSDKSH

Përcaktimi i mënyrës së pagesës sipas faturës së lëshuar nga koncesionari me TVSH, është në shkelje të Ligjit nr. 7928, datë 27.04.1995 “Për tatimin mbi vlerën e shtuar” (i shfuqizuar), neni 25/11 “Barnat dhe shërbimi shëndetësor”.

Sa më sipër, angazhimi i fondeve buxhetore për likuidim TVSH-je, në masën 20 % të tyre, apo në shumën 417,175 mijë lekë, ka sjellë që përdorimi i këtyre fondeve të mos shkojë në destinacionin e përcaktuar, që është ofrimi i shërbimeve mjekësore. Për rrjedhojë nëse TVSH e paguar për sterilizimin në vitin 2022, do të përdorej në destinacionin e duhur do të ishin kryer edhe 12,705 ndërhyrje kirurgjikale të kompleksitetit të mesëm më shumë.

Rekomandimi: MSHMS, në bashkëpunim me Strukturat drejtuese të Fondit të Sigurimit të Kujdesit Shëndetësor, të marrin masa për kthimin në ligjshmëri dhe ndërprerjen e pagesave të TVSH-së, për këto shërbime të përjashtuara nga ky lloj tatimi, si dhe përdorimin e fondeve me efektivitet, në destinacionin e duhur, që është ofrimi i shërbimit

KLSH bën përgjegjëse ministren e Shëndetësisë Manastirlliu, drejtorin e FSKDSH dhe nënpunësit e përfshirë në kontrollin dhe monitoimin e koncesioneve.

Por SPAK ka vendosur që të shpëtojë Ilir Beqen pas urdhërit të Ramës, edhe pse sterilizimi ka lënë pacientët pa ndërhyrje. Askush ende nuk i di kostot e larta, jo vetëm financiare, por më së shumti humane. Sepse jeta e shqiptarëve nuk vlen për Edi Ramën.

Rasti i koncesionit të sterilizimit nuk është i vetmi rast kur SPAK sillet si vartës i qeverisë. Deri tani SPAK-u nuk ka treguar integritetin e duhur në hetimet me politikanë dhe miq të afërm të Edi Ramës. Dhe ky është një lajm i keq për çdo shqiptar që pret të marrë fund pandëshkueshmëria e ministrave dhe e kryeministrit.

Drejtësia nuk mund të bëhet e parcelizuar. Përpara ligjit duhet të jenë të gjithë të barabartë. Edi Rama, Ilir Beqaj, Ogerta Manastirlliu, nuk mund dhe nuk duhet të jenë më të barabartë se vartësit e tyre, që kanë vjedhur dhe abuzuar me pushtetin.

Se dalin këto të vërteta parlamenti është kthyer në një tirani, ku opozitës i mbyllet goja, ku ministrat refuzojnë të kthejnë përgjigje, pothuajse të gjitha kërkesave të opozitës për cështje të caktuara ku nuk lejohen komisionet hetimore antikorrupsion dhe nismat ligjore.

Nuk ka tirani më të madhe për një vend, se ajo që vepron në mburojën e ligjit dhe në emër të drejtësisë!

Deputetët e grupit parlamentar të PD janë të vendosur për të mos lejuar shkeljen e Kushtetutës dhe të të drejtave të opozitës në parlament! Janë të vendosur të bëjnë transparencë për cdo abuzim që kanë sjellë kosto të larta në shëndetin dhe jetën e qytetarëve./ CNA