web counter
LEXO PA REKLAMA!

SHKARKO APP

App Store
Google Play

Klodiana Lala zbardh të tjera detaje/ “Përgjimet nisën që në 13 shkurt, ja çfarë është zbuluar”

11 Mars 2025, 22:59, Aktualitet CNA

Klodiana Lala zbardh të tjera detaje/ “Përgjimet nisën

Gazetarja Klodiana Lala ka zbuluar detaje nga faktet dhe provat e reja që prokurorët e SPAK kanë paraqitur në seancën e sotme në Apelin e GJKKO kundër Erion Veliajt.

E ftuar në një emision Klodiana Lala bëri me dije se përgjimet kanë nisur që nga data 13 shkurt ku ndodhi dhe transferimi i Veliajt në paraburgimin e Durrësit.

“Përgjimi i kryer me autorizim të gjykatës, është shoqëruar me veprime konkrete, porosi për persona të tretë të dhëna nga Veliaj, të cilat janë zbatuar pikë për pikë. Kjo provë, sipas prokurorëve, tregon se Veliaj ka ndikim për të intimiduar dëshmitarët”, tha gazetarja Klodiana Lala.

Sipas gazetares provat kanë të bëjnë me kontrata të lidhura me kompanitë e bashkëshortes së Veliajt, Ajola Xoxa.

“Janë fatura të sekuestruara nga kompanitë e Ajola Xoxes, të marra dhe nga palët e treta sic janë tatimet.

Për të pastruar paratë janë krijuar skema fiktive. Veliaj,sipas SPAK, ka firmosur leje ndërtimi e tendera për subjekte të caktuara dhe këta kanë adresuar dhurata ndaj të shoqes dhe në këtë formë ka përfituar dhe ai”, u shpreh gazetarja Lala.

Ndër të tjera gazetarja bëri me dije se avokati mbrojtës i Veliaj Ermir Beta ka kërkuar fillimisht shfuqizimin e masës së sigurisë, pasi sipas tij, nuk ekzistonte asnjë rrezik që Veliaj të largohej jashtë.

Nëse nuk do të kishte shfuqizim të masësm ata ofruan garanci pasurore Në rast se nuk shfuqizohej masa, sipas gazetares mbrojtja ofroi garanci pasurore 50 milionë lekë të vjetra dhe bllokimin e pasaportës, për zbutjen e masës “arrest me burg”./ CNA





Lajmet e fundit nga