web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa e SPAK-ut për arrestimin e Berishës/ Lorenc Vangjeli: Do të lutesha në Kishën e Laçit të fitojë betejën me drejtësinë

13 Dhjetor 2023, 10:37, Aktualitet CNA
Kërkesa e SPAK-ut për arrestimin e Berishës/ Lorenc Vangjeli: Do
Analisti Lorenc Vangjeli

Analisti Lorenc Vangjeli ka komentuar kërkesën e SPAK-ut ndaj Kuvendit të Shqipërisë për autorizimin e zëvendësimit të masës së sigurisë nga detyrim me paraqitje në arrest shtëpie për ish-kryeministrin Sali Berisha.

Analisti u shpreh në një emision se ata që e dërguan Berishën në këta hapa të gabuar kanë qenë miqtë e tij që janë sjellë si armiq duke e këshilluar në mënyrë të gabuar.

 “Ajo që deri dje as nuk e fantazonim, sot po ndodh. Kjo është një konkurrencë që duhet të na bëjë të kuptojmë se gjërat kanë ndryshuar. Kam përshtypjen se drejt së vërtetës ne mund të arrijmë qoftë edhe duke shpjeguar një nga paradokset që po ndodh tani. Miqtë dhe bashkëpunëtorët e Sali Berishës, i cili zakonisht nuk është njeri që këshillohet, por edhe nëse i kanë folur i kanë dhënë këshillën më të gabuar të mundshme.

Janë sjellë si armiqtë më të ligj të tij, në të gjithë këtë histori. I kanë rrëfyer rrugën e gabuar ku duhet të ecte në këtë përballje të tij me ligjin. Në mënyrë paradoksale njeriu më i interesuar që të bëjë avokatin e Berishës është kundërshtari i tij politik, Edi Rama”, tha analisti.

Më tej, Lorenc Vangjeli, me nota ironie është shprehur se nëse do të kishte mundësi do të lutej në Kishën e Laçit që Berisha të fitonte betejën me drejtësinë dhe që të dilte i pafajshëm.

“Nëse do të mundesha si individ, do të shkoja të lutesha në kishën e Laçit që ai ta fitonte këtë betejë me akuzën dhe drejtësinë. Do të lutesha me shpresën se ish-kryeministri i vendit tim të dalë i pafajshëm”, është shprehur analisti./ CNA





Lajmet e fundit nga