web counter
LEXO PA REKLAMA!

SHKARKO APP

App Store
Google Play

Gazetari Fundo: Pse inceneratorët janë një projekt i Rilindjes

12 Dhjetor 2023, 22:19, Aktualitet CNA
Gazetari Fundo: Pse inceneratorët janë një projekt i Rilindjes
Gazetari Elvi Fundo

“Inceneratorët janë një projekt i Rilindjes”.

Kështu u shpreh gazetari Elvi Fundo, teksa foli mbrëmjen e kësaj të marte për aferën e shekullit dhe arrestimet për llogari të SPAK.

Fundo tha në një intervistë me Adi Krastën se PS e ka pasur gati projektin për landfillet që në momentin kur mori pushtetin, në vitin 2013.

Ai u ndal tek inceneratori i Elbasanit që do 2 milionë euro në vit të punojë, tek ai në Fier që ka shpronësuar pronarët e tokës bujqësore dhe tek ai Tiranë që ka ndërruar pronarët.

“Inceneratorët janë një projekt i Rilindjes, i PS-së. Sepse në vitin 2013 kur kanë ardhur në pushtet Shqipëria e ka pasur gati projektin me landfillet. Ka qenë një vizion, që të bëhen inceneratorët. Kryeministri bëri Elbasanin, Elbasani kushton, një njeri anonim nga rruga shkon dhe merr 24 milionë euro projekt, i cili do 2 milionë euro në vit që të punojë. Shkojnë në Fier, i futin 34 milionë euro të tjera, i fusin dhe një shpronësim atje që e marrin truallin 400 e ca mijë euro duke e shpronësuar si truall kur në fakt është tokë bujqësore, kanë vjedhur këto 400 e ca milionë por këtë nuk e ka hetuar njeri.

Kthehemi te Tirana që është spektakli më i madh. Ka dalë kryeministri te Fevziu dhe ka thënë ka ardhur Paul Ëurthi ju jeni gënjeshtarë ju jeni mashtrues. Edhe Edi Rama dhe Erion Veliaj për këtë deklarim duhet të mbajnë përgjegjësi. Unë e kam nxjerr 4 vite më parë që kompania Paul Ëurth nuk ekziston në Holandë. Nga dhjetori i 2017-ës kompania Paul Ëurth dhe kompania Energie Recuperator në janar 2019-ës nuk ekzistojnë si kompani pronare të inceneratorit të Tiranës, por pronar rezulton kaldajisti Giussepe Ciaffaglione, i cili ia ka blerë këtyre dy kompanive, pasi i jepen aksionet Klodian Zotos, ky i fundit ia ka shitur 465 mijë euro me lekë me të pritur me rrogë 5 mijë euro Ciaffagliones, të cilin e punëson administrator në Tiranë”, theksoi gazetari./ CNA





Lajmet e fundit nga