web counter
LEXO PA REKLAMA!

SHKARKO APP

App Store
Google Play

KED e pranon: Ka pasur krisma

10 Nëntor 2025, 10:37, Aktualitet CNA

KED e pranon: Ka pasur krisma

Në deklaratën e shkruar nga Sokol Sadushi dhe të shpërndarë në media si deklaratë e KED-it, pranohet ekzistenca e një dokumenti, sipas asaj që pretendoi në nisje "Top Channel" që ishte media që publikoi skandalin.

 

“KED... ka verifikuar se të dhënat e përcjella ishin të pabazuara dhe nuk kishin asnjë ndikim ligjor apo faktik në vlerësimin e kandidatit”.


Qoftë edhe nga ky paragraf rezulton që anëtarët e KED kanë verifikuar të dhënat, por i kanë gjetur të pabazuara. Po pse e fshehën këtë konstatim dhe vlerësim nga raporti i vlerësimit të kandidatit Vokshi? Për t'ua fshehur anëtarëve të Gjykatës së Lartë që do të vlerësonin kandidaturat?

Kush e vlerëson se të dhënat nuk kishin asnjë ndikim ligjor apo faktik në vlerësimin e kandidatit? Paralelisht me këtë deklaratë, Sokol Sadushi që flet herë si Gjykatë e Lartë, herë si KED e herë si Gjykatë Kushtetuese, tani paska zëvendësuar edhe rolin si vlerësues i gjithëfuqishëm i dokumenteve të organeve të tjera ligjzbatuese.

Sokol Sadushi duhet të marrë përgjegjësinë personale si drejtues i procesit administrativ brenda KED. Minimalisht për fshehjen dhe mospërfshirjen në proces verbal të faktit, që tani e publikon në deklaratë si KED.

Në rastin më të mirë ai ka manipuluar me dokumentacionin e mbërritur në KED duke vlerësuar ai vetë kryesisht cilësinë, vlerën dhe vërtetësinë e informacioneve të mbërritura nga organet kompetente.

Sa herë e ka bërë këtë Sokol Sadushi? Apo Asim Vokshi është i vetmi i përzgjedhur?



Marjana Semini dhe Ilir Toska që do ta vlerësojnë edhe gjatë gjykimit në Gjykatë Kushtetuese, kandidaturën e Asim Vokshit, çfarë përfshirje kanë në falsifikimin e procesverbalit të vlerësimit të kandidatit Asim Vokshi?

Ja pra që krisma paska pasur shoku partizan Sadushi!/CNA





Lajmet e fundit nga