web counter
LEXO PA REKLAMA!

SHKARKO APP

App Store
Google Play

Kaos në aksin Librazhd – Elbasan/ Makinat në radhë kilometrike, “zhduket” policia

13 Tetor 2024, 19:10, Aktualitet CNA

Kaos në aksin Librazhd – Elbasan/ Makinat në radhë

Një situatë kaotike është krijuar në aksin rrugor Librazhd – Elbasan.

Pranë urës së Murrashit është vendosur një semafor për të rregulluar qarkullimin e mjeteve për shkak të punimeve, gjë që shkakton herë pas here trafik të rënduar.

Një situatë e tillë, me radhë kilometrike është regjistruar edhe mbrëmjen e sotme.

Siç shihet edhe nga pamjet e CNA, udhëtarët që kthehen nga juglindja janë të detyruar të presin për një kohë të gjatë për të kaluar në anën tjetër të urës.

Makinat që kthehen nga Korça kanë krijuar një karvan të gjatë prej 10-15 kilometrash, ndërkohë që mjetet që lëvizin nga Elbasani drejt juglindjes janë shumë më të pakta.

Semafori është vendosur për të rregulluar lëvizjet gjatë ditës, kur ka fluks në të dyja segmentet rrugore, por tani është bërë radhë e gjatë sepse njëri aks ka fluks dhe tjetri është bosh.

Megjithatë, shoferët që janë nisur drejt Elbasanit apo Tiranës janë të detyruar të qëndrojnë në trafik për të mos shkelur rregullat e qarkullimit.

E gjithë kjo ndodh sepse në urën e Murrashit mungon një polic. Atje nuk shkon asnjë punonjës i policisë rrugore, i bashkisë, i ndërmarrjes së rrugëve apo vetë firmës që po bën rrugën që t’u shërbejë qytetarëve, për të mos bllokuar trafikun.

Mungesa e një polici i ka detyruar qytetarët jo pak herë të presin me orë për të kaluar urën e Murrashit, që më pqas të vijojnë udhëtimin për në destinacionin e tyre./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga