web counter
LEXO PA REKLAMA!

SHKARKO APP

App Store
Google Play

Kallëzohet në SPAK ministri i ri i Ramës

31 Korrik 2024, 13:38, Aktualitet CNA

Kallëzohet në SPAK ministri i ri i Ramës

Partia Demokratike ka kallëzuar në SPAK, ministrin e Mbrojtjes Pirro Vëngun.PD e ka kallëzuar në lidhje me një procedurë tenderi në Autoritetin Portual.

Vëngu ka nënshkruar një kontratë prej 12 milionë eurosh për mbikqyrjen e punimeve për ndërtimin e portit të ri.

“Nga burime të hapura dhe shqyrtimi i procedurës përkatëse, rezulton se në muajin Korrik 2024, Autoriteti Portual Durrës ka nënshkruar një kontratë konsulence me kompaninë hollandeze Royal Haskoning DHV, me vlerë 12 milionë euro me TVSH, për mbikëqyrjen e punimeve për ndërtimin e portit të ri të integruar të Durrësit në Porto-Romano. Kjo kontratë është lidhur me negocim të drejtpërdrejtë ndërmjet drejtorit të Autoritetit Portual Durrës, shtetasit Pirro Vengu dhe përfaqësuesve të kompanisë private Royal Haskoning DHV, pa iu nënshtruar procedurave të zakonshme të prokurimit publik që nënkuptojnë njoftimin publik për tender, paraqitjen e ofertave, vlerësimin e tyre, përzgjedhjen e fituesit dhe nënshkrimin e kontratës, në shkelje të parimeve të barazisë, konkurrencës së lirë dhe transparencës.

Nëpërmjet këtyre procedurave synohet të garantohet mirëpërdorimi i fondeve publike, rritja e eficiencës dhe efikasitetit në procedurat e prokurimit publik, nxitja e pjesëmarrjes dhe konkurrencës ndërmjet operatorëve ekonomikë, sigurimi i një trajtimi të barabartë dhe jodiskriminues për të gjithë operatorët ekonomikë, si dhe sigurimi i integritetit, besimit publik dhe transparencës në procedurat e prokurimit publik (neni 2 të Ligjit nr. 162/2020). Megjithatë, duket që në nënshkrimin e kësaj kontrate konsulence, me një vlerë shumë të lartë, ish-drejtori i Autoritetit Portual Durrës, shtetasi Pirro Vëngu ka shmangur të gjitha rregullat e prokurimit publik, duke përzgjedhur drejtpërdrejtë kompaninë fituese, duke cënuar haptazi interesin publik dhe dëmtuar rëndë Buxhetin e Shtetit, me qëllim përfitimin ekonomik të subjektit privat.

Në këto kushte, ekzistojnë dyshime të arsyeshme të bazuara mbi prova, se shtetasi Pirro Vengu, ish-drejtor i Autoritetit Portual Durrës, dhe aktualisht ministër i Mbrojtjes, ka konsumuar veprat penale të "Shpërdorimit të detyrës" dhe "Shkeljes së barazisë së pjesëmarrësve në tendera apo ankande publike", të parashikuara nga nenet 248 dhe 258 të Kodit Penal. Për këtë arsye, më poshtë do të gjeni një informacion për fillimin e hetimeve penal ndaj shtetasit Pirro Vängu, me detyrë ministër i Mbrojtjes, i cili gjatë periudhës 2019-2024 ka mbajtur detyrën e drejtorit të Autoritetit Portual Durrës”, thuhet në kallëzimin e bërë nga grupi parlamentar i PD./ CNA

Kallëzohet në SPAK ministri i ri i Ramës





Lajmet e fundit nga