web counter
LEXO PA REKLAMA!

SHKARKO APP

App Store
Google Play

“Kaldajisti u bë pronar i inceneratorit të Tiranës”/ Idioti i dobishëm i Rilindjes kapet me Nokën

9 Maj 2024, 12:46, Aktualitet CNA
“Kaldajisti u bë pronar i inceneratorit të Tiranës”/
Eduart Shalsi

Sot nga foltorja e Kuvendit, Flamur Noka ka folur rreth projektligjit për transportin e gjelbër.

Noka tha se kur sheh termin Bashkia Tiranë dhe transportin të kap e qeshura pasi e vetmja gjë që të kujtohet janë inceneratorët dhe dosja "5D".

Ai thotë se papritur një kaldajist u bë pronar i inceneratorit të Tiranës. Nga ana tjetër ironizon Majkon që t’i kërkojë SPAK-ut të hapë sytë.

“Kur sheh aty termin Bashkia e Tiranës, transporti i Tiranës, të kap e qeshura se të kujtohen; inceneratorët, '5D'. Këto kohë është treguar se në Bashkinë e Tiranës ka vetëm vjedhje. Sot kryetarja e Parlamentit e duartrokiti hajdutin. Se ishte e porositur të duartrokiste. Guisepe ka qenë me profesion kaldajist. Një kaldajist papritmas bëhet pronar i inceneratorit të Tiranës. Ai na paskësh dhe një kontratë konsulence me inceneratorin e Fierit. Në të gjitha këto çështje, jepet roli për secilin, edhe për lalin dhe për atë ‘fap-fap’. Ti Pandeli thuaj që SPAK-u të hapë sytë”, tha Noka.

Pas deklaratave të Nokës, ka reaguar nga foltorja dhe idoti i dobishëm i Rilindjes, Eduart Shalsi, i cili bën gjoja mbrojtësin e SPAK-ut ndërkohë që është pjesë e një grupi që po planifikon të ngrejë komisione që ta kontrollojnë dhe monitorojnë.

"E kam të pamundur të debatoj me disa kategori njerëzish ti je një prej atyre. Sot mes jush u morët me sistemin e drejtësisë. E pe ça epitetesh bëri, njëri organizatë terroriste. Jeni apo jo për sistemin e drejtësisë. Imagjinoni sikur të kishte pasur SPAK përkrahje gjatë kohës kur ai atje ishte ministër. Imagjinoni se çfarë duhet të kishte ndodhur", tha Shalsi. / CNA





Lajmet e fundit nga