web counter
LEXO PA REKLAMA!

SHKARKO APP

App Store
Google Play

Inceneratorët djegin fonde publike/ Një skemë mafioze që po gërryen xhepat e qytetarëve

31 Dhjetor 2024, 13:37, Aktualitet CNA

Inceneratorët djegin fonde publike/ Një skemë mafioze që po

Projekti i inceneratorëve për djegien e mbetjeve u shit si një ndër projektet inovative nga ana e qeverisë shqiptare, e cila sipas socialistëve do të ndryshonte katërcipërisht mënyrën se si do trajtoheshin mbetjet, ndërsa premtuan një Shqipëri më të pastër.

Kontrata koncensionare u firmos në gusht të vitit 2017 për 30 vite, në vlerë 430 milionë dollarë, por parashikohet që të shkojë deri në 1 miliard euro.

Shtatë vite më pas, qeveria u ka dhuruar shqiptarëve dy objekte (inceneratori i Elbasanit dhe i Fierit), që nuk kryejnë asnjë rol në trajtimin e mbetjeve dhe një të tretë, ai i Tiranës, që jo vetëm nuk ekziston si objekt, por vjel çdo ditë miliona nga buxheti i shtetit.

Pavarësisht kësaj kryeministri Edi Rama ka refuzuar të shohë atë që është e dukshme, ndërsa ka shprehur bindjen se paratë e shpërdoruara nga buxheti i shtetit, zyrtarët, ish-ministrat dhe kryebashkiakët të hetuar, apo arrestuar nga SPAK-u, nuk janë motive të mjaftueshme për të pranuar që inceneratorët janë një aferë e mirëfilltë korruptive, që po gërryen çdo ditë xhepat e qytetarëve. 

“1 mijë herë t'i kthehesha atij procesi, një mijë herë do e bëja. Tirana, Fieri dhe Elbasani janë sot më të pastra dhe më të sigurta” ka thënë Rama. 

Qytetet kryesore të vendit përballen me kosto të larta të trajtimit të mbetjeve dhe ndodhen para një emergjence mjedisore, pasi mbetjet po grumbullohen në landfillet pranë inceneratorëve që më së paku nuk punojnë dhe më së shumti as që nuk ekzistojnë./ CNA





Lajmet e fundit nga