web counter
LEXO PA REKLAMA!

SHKARKO APP

App Store
Google Play

Ibrahimaj: Në 2026 rritet taksa për banesën, vlera do të përcaktohet mbi çmimin e tregut

4 Korrik 2023, 12:22, Aktualitet CNA
Ibrahimaj: Në 2026 rritet taksa për banesën, vlera do të
Ministrja Delina Ibrahimaj

Ministrja Delina Ibrahimaj është shprehur se në vitin 2026 do të rritet taksa për banesën.

Ajo është shprehur se vlera e taksës do të llogaritet mbi vlerën e tregut, pritet të implementohet.

"Pr/ligji në këto momente është ende në fazën e diskutimeve dhe Ministria e Financave po vijon konsultimet me Universitetin e Tiranës, dhe atë Bujqësor e do të vijojmë konsultimet deri në një projekt final. Ende nuk kemi një draft të finalizuar për taksën e pasurisë. Jemi ende në konsultim.

Po punojmë me Universitetin e Tiranës, dhe Bujqësor e do të vijojmë konsultimet me qëllim që kjo reformë madhore të zbatohet në mënyrën më të mire. Është një taksë që do të marrë kohën e vet për t'u implementuar. Ne parashikojmë që hyrja në fuqi e kësaj takse për ndërtesat të jetë në 2026. Ndryshimi kryesor që do të sjellë është vlerësimi i pasurive dhe pronave me çmimin e tregut.

Është ndryshim thelbësor që ka nevojë për angazhim shumë të madh jo vetëm në kuadër të hartimit të ligjit, por marrjen e masave institucionale për zbatimin e tij. Kjo është arsyeja pse nisëm punën që vitin e kaluar dhe ndonëse duket që viti 2026 është shumë larg. Është reformë madhore dhe duhet bërë në kohën e duhur dhe duhet të marrë kohën e duhur”, tha ministrja./ CNA





Lajmet e fundit nga