web counter
LEXO PA REKLAMA!

SHKARKO APP

App Store
Google Play

I biri i tij, i dyshuari kryesor për masakrën e Milotit/ Flet babai i Roan Brahimit

14 Dhjetor 2022, 22:56, Aktualitet CNA
I biri i tij, i dyshuari kryesor për masakrën e Milotit/ Flet babai i
Klisman Preçi dhe Ylli (Brahja) Brahimi

Roan Brahimi, alias Sidorel Prendi është i dyshuari kryesor i masakrës së Milotit, ku pas breshërisë me armë mbeti viktimë Klisman Preçi dhe u plagos rëndë Ylli (Brahja) Brahimi, krahu i djathtë i Ervis Martinajt.

Disa kohë më parë, policia kreu kontrolle në banesën e tij, por nuk mundën ta gjenin. Në banesë ishte vetëm babai i tij, Gjovalin Prendi, i cili deklaroi se nuk kishte asnjë dijeni për djalin, të paktën prej një viti.

“Nuk kam asnjë dijeni për ngjarjen e rëndë. Gjithçka e mësova nga televizori. Klisman Preçin nuk e njoh fare, kurse Ylli Brahimin e njoh pasi kam lidhje miqësore. Kjo, pasi nusja e djalit tim, Roan Brahimi (Sidorela Prendi) është kushërirë e afërt e Ylli Brahimit. Me sa di unë, babain e nuses së djalit tim, Ylli e ka djalë xhaxhai.

Djali im Roan Brahimi ndodhet jashtë shtetit. Se në cilin shtet nuk e di, pasi nuk kam asnjë komunikim me të prej kohësh, prej më tepër se një vit. Nuk i kam as numër telefoni dhe asnjë adresë në rrjetet sociale”, mësohet të jetë shprehur Gjovalin Prendi.

Sipas dosjes hetimore të zbardhur në emisionin e Klodiana Lalës, babai i të dyshuarit është shprehur se me Ylli Brahimin e ka mik shtëpie dhe nuk ka dijeni për konflikte.

“Nuk kam asnjë dijeni që djali im të ketë pasur apo ka konflikte me Ylli Brahimin dhe njerëzit e tij. Marrëdhëniet e mia me miqtë janë normale dhe korrekte.

Ashtu kanë qenë gjithmonë dhe do të jenë. Lidhur me ngjarjen e ndodhur dua të them se më ka ardhur shumë keq, pasi i kam miq shtëpie”, ka theksuar ai./ B.A. – CNA.al





Lajmet e fundit nga