web counter
LEXO PA REKLAMA!

SHKARKO APP

App Store
Google Play

E fundit!

x

Kumbaro tregon shifrën/ Sa turistë të huaj erdhën në Shqipëri gjatë këtij viti

14 Dhjetor 2022, 18:52, Aktualitet CNA
Kumbaro tregon shifrën/ Sa turistë të huaj erdhën në
Ministrja e Turizmit dhe Mjedisit, Mirela Kumbaro

Ministrja e Turizmit dhe Mjedisit, Mirela Kumbaro, ka organizuar një mbrëmje për të festuar përmbylljen e vitit me përfaqësues nga shoqatat e turizmit, hotelierët, agroturizmet dhe profesionistë nga e gjithë Shqipëria.

Gjatë fjalës së saj, ministrja tregoi se Shqipëria deri më 30 nëntor të vitit 2022, arriti shifrën e 7.1 milionë vizitorëve të huaj.

“Deri më 30 nëntor kemi mbërritur në shifrën e 7.1 milionë turistëve të huaj dhe besoj që me këtë, kemi shënuar një rekord që kalon pritshmëritë tona. Kjo ende nuk është shifra finale sepse muaji dhjetor, sipas atyre që thoni dhe ju, parashikohet sërish të jetë plot me vizitorë. Ka qenë një vit që filloi me optimizëm në janar dhe na trembi në Shkurt, kur filloi një luftë shumë e egër, lufta në Ukrainë”, u shpreh Kumbaro.

Kumbaro tregon shifrën/ Sa turistë të huaj erdhën në

Ajo deklaroi se pas disa ngjarjeve  si tërmeti, apo pandemia, turizmi ia doli të rimëkëmbet falë pozitivitetit të gjithë sektorit.

“Me gjithë traumën e tërmetit, me gjithë traumën e pandemisë, Shqipëria dhe sektori i turizmit në Shqipëri tregoi që ishte paksa në të njëtin model siç është populli shqiptar të cilit sa herë që i ndodhin probleme të mëdha, gjen energjinë për t’u ngritur më lart se ç’ishte më parë. Pati një pozitivitet të madh nga gjithë sektori”, theksoi Kumbaro.

Gjithashtu, ministrja konfirmoi pjesëmarrjen e Shqipërisë në panairin e Berlinit, më të madhin në Evropë, në mars të vtiti 2023. Po ashtu, ministrja bëri me dije se në prill të vitit që vjen Shqipëria do të presë Forumin Global të Turizmit në Tiranë, në bashkëpunim me Organizatën Botërore të Turizmit, nën kujdesin e sekretarit të kësaj organizate Zurab Pololikashvili dhe kryeministrit Edi Rama, sikundër foli edhe për promovimin që do t’i bëhet Shqipërisë në mediat ndërkombëtare./ CNA.al

 

 





Lajmet e fundit nga