web counter
LEXO PA REKLAMA!

SHKARKO APP

App Store
Google Play

E fundit!

x

I akuzuar si planifikues i vrasjes së Kurtit/ Reagon Prek Kodra: Po më merrni në qafë

21 Shtator 2022, 21:57, Aktualitet CNA
I akuzuar si planifikues i vrasjes së Kurtit/ Reagon Prek Kodra: Po më
Prek Kodra

Mes dokumenteve të publikuara pak ditë më parë nga hakerat, rrjedhur nga e-maili i ish-drejtorit të Përgjithshëm të Policisë së Shtetit, Gledis Nano, u zbulua një planifikim për vrasjen e kryeministrit të Kosovës, Albin Kurti.

Në dokument thuhej se i dyshuari si planifikues i vrasjen e Kurtit ishte snajperisti Prek Kodra. Lidhur me këto lajme ka reaguar pak më parë vetë Kodra, i cili ka mohuar lajmet gjatë një lidhje me emisionin “Pressing”.

“Çfarë me të shpjeguar unë, se unë di që vetëm po shpifin persona të paidentifikuar për mua. Unë Albin Kurtin e njoh nëpërmjet televizionit, unë nuk e njoh. As nuk kam lidhje në botë me asnjë njeri për qëllim të keq. Më vjen keq. Më keni akuzuar, po më merrni në qafë mua , familjen time, të gjithë njerëzit e mi dhe ata që më njohin mua”, u shpreh ai.

Kodra tha se lajmin për planifikimin e vrasjes e ka mësuar nga një i afërm që ishte informuar nga mediat, ndërsa theksoi se nuk është marrë në pyetje nga policia.

“Nuk më ka pyetur asnjë polici për këtë lloj gjëje që po më thoni. Nuk më ka pyetur askush”, nënvizoi ai. / B.A. – CNA.al





Lajmet e fundit nga