web counter
LEXO PA REKLAMA!

SHKARKO APP

App Store
Google Play

E fundit!

x

Harta e re gjyqësore/ Hazizaj: Formalisht flitet për pavarësi, PS i ka gjykatat në dorë, i përdor si të dojë

13 Qershor 2022, 19:34, Aktualitet CNA
Harta e re gjyqësore/ Hazizaj: Formalisht flitet për pavarësi,
Avokati Sokol  Hazizaj

Harta e e re gjyqësor ka nevojë për ndryshime, por jo ndryshime të karakterit drastik, kështu është shprehur avokati Sokol Hazizaj.

Avokati theksoi se formalisht flitet për pavarësi të gjyqësorit por në themel të saj politika i ka të gjithë instrumentet në dorë për ta përdorur pushtetin gjyqësor si të dojë. I ftuar në emisionin “Task Force” avokati Sokol  Hazizaj ka deklaruar se kjo vjen për shkak të përgjysmimit të numrin të gjyqtarëve.

Sipas tij, ata që përpunuan reformën në drejtësi pa i hyrë një analize se ku do të shkonte rezultantja e procesit të vettingut gjyqtarëve dhe prokurorëve ndodhen para një të papriture.

“E papritura ka të bëjë me shërbimin. Mazhoranca e papërgatitur para këtij rezultati i shkon në modelin e saj reduktimi i gjykatave e prokurorive. Sepse kjo nuk ka më para për të mbajtur gjykata, gjyqtarë e prokurorë. Formalisht flitet për pavarësi të gjyqësorit por politika e ka në dorë.”-tha Hazizaj.

Më tej ai deklaroi se shkak themelor është vettingu që çoi gjyqësorin dhe hetimin në fundin e funksionimit të vet dhe e dyta është pamundësia financiare për t’i ofruar shërbim qytetarit për të dhënë drejtësi.

“Me buxhetin që kanë këta dhe mënyrë si e hartografojnë pushtetin gjyqësor dhe si e konceptojnë, këta duhet të bënin vetëm një gjykatë, Gjykata e Tiranës, Gjykata e Apelit Tiranë, Gjykata e Shkallës së parë Tiranë.”-deklaroi Hazizaj.

Sipas KLGJ hartën e re gjyqësore parashikon shkrirjen e 10 gjykatave të shkallës së parë. /CNA.al





Lajmet e fundit nga