web counter
LEXO PA REKLAMA!

SHKARKO APP

App Store
Google Play

Greqia, rezerva për censin 2023/ Ministri Gerapetritis: Rezultatet, të dyshimta

3 Korrik 2024, 22:30, Aktualitet CNA
Greqia, rezerva për censin 2023/ Ministri Gerapetritis: Rezultatet, të
Ministri i jashtëm grek, Giorgos Gerapetritis

Ministri i jashtëm grek, Giorgos Gerapetritis ka reaguar të mërkurën në lidhje me procesin e regjistrimit të popullsisë në vendin tonë, i zhvilluar në periudhën shtator-nëntor të 2023.

Pas takimit që pati në Athinë me homologun e tij austriak Alexander Sulenberg, ai vuri në dyshim rezultatet e publikuara pak ditë më parë, ndërsa nuk la pa komentuar dhe çështjen Beleri.

Gerapetritis u shpreh se “sa i përket Shqipërisë, të gjithë e dimë se si është situata”.

“Presim që Shqipëria të bëjë diçka të duhur. Të respektohet e drejta evropiane, e cila kërkon mundësinë e anëtarit më të ri të zgjedhur të Parlamentit Evropian që të marrë detyrat e tij dhe të marrë pjesë plotësisht. Natyrisht, në këtë kuadër, dëshiroj të shpreh rezervat e Ministrisë së Jashtme në lidhje me integritetin e censusit, i cili është kryer në Shqipëri. Rezultatet e para nxjerrin në pah çështje serioze me procesin e regjistrimit, të cilat vënë në dyshim vetë rezultatet. Anëtarët e minoritetit etnik grek tashmë kanë dëshmuar dhe iu referuar atyre. Ka probleme me mënyrën se si është kryer ky regjistrim. Është qartësisht një parakusht që kursi europian i çdo vendi të respektojë saktësinë e të dhënave. Dhe ne kërkojmë nga të gjitha vendet që të ketë respektim të rreptë të këtyre rregullave”, deklaroi ai./ CNA





Lajmet e fundit nga