web counter
LEXO PA REKLAMA!

SHKARKO APP

App Store
Google Play

Botuesi i Kadaresë, akuza për ambulancën/ Brataj: Përgënjeshtroj çdo deklaratë

3 Korrik 2024, 21:33, Aktualitet CNA
Botuesi i Kadaresë, akuza për ambulancën/ Brataj:
Drejtori i Qendrës Kombëtare të Urgjencës, Skënder Brataj

Gjatë ceremonisë së varrimit të gjeniut të letrave shqipe, Ismail Kadare, botuesi i veprave të tij, Bujar Hudhri hodhi akuzat se autoambulanca që shkoi në shtëpinë e shkrimtarit për ta transportuar në spital, kishte mungesa të aparateve që mund ta mbanin atë në jetë.

“E morën në ashensor, ishte gjendje gati e ngrirë. E hipën në ambulancë, shumë e thjeshtë, pa impiant, me zor kemi çarë rrugët e Tiranës megjithëse ulërinte sirena derisa mbërritëm në urgjencën e QSUT-së dhe pak sa hapej dera shikoje mobilizimin e mjekëve”, tha Bujar Hudhri.

Drejtori i Qendrës Kombëtare të Urgjencës, Skënder Brataj reagoi në lidhje me këto deklarata dhe deklaroi se gjithçka është kryer sipas protokollit mjekësor.

Brataj u shpreh se autoambulancat në Tiranë janë të reja dhe të pajisura me të gjitha mjetet.

“Zoti Hudhri vetëm të mos ketë pasur syze sepse defibliratoti ishte i montuar te pacienti dhe ekipi mjekësor që bënte masazhin kardiak deri në spital, mesa di ka ardhur më vonë pasi e ka gjetur në vendngjarje, është vepruar sipas çdo protokolli për të shpëtuar jetën e zotit Kadare.

Nuk e di nëse në botues është në gjendje të vlerësojë një ekip mjekësh apo një ambulance. Por ajo që do të thoja është që Kadare prej 4 vjetësh që është në Shqipëri ka pasur në dispozicion ekipin shëndetësor të Ministrisë së Shëndetësisë, midis rezidencës në Qerret dhe në Tiranë ku sa herë ka qenë e nevojshme kemi qenë prezentë. Personalisht kam pasur një raport të tillë që për çdo gjë isha prezent.

Nga momenti që është bërë telefonata ka shkuar ekipi që ndodhet te qendra shëndetësore nr. 8 pas shtëpisë së tij brenda pak minutash. E kanë gjetur në kushte arresti. Është dërguar edhe një ekip i dytë në vendngjarje duke menduar që mund të ishte i nevojshëm transporti i menjëhershëm. Ekipi i parë ka zbritur dhe e ka shoqëruar në QSUT.

Përgënjeshtroj çdo deklaratë që mund të bëhet nga kushdo sepse kam qenë vetë prezent, e di shumë mirë si është bërë. Është dëshmitare vetë familja Kadare që e kanë falënderuar ekipin”, theksoi kreu i Urgjencës Kombëtare./ CNA





Lajmet e fundit nga