web counter
LEXO PA REKLAMA!

SHKARKO APP

App Store
Google Play

E fundit!

x

Gjykata urdhëron/ CNA zbaton vendimin, ndalohet publikimi i dosjes së SPAK-ut

20 Maj 2024, 18:47, Aktualitet CNA
Gjykata urdhëron/ CNA zbaton vendimin, ndalohet publikimi i dosjes së
GJKKO

GJKKO ka nxjerrë një vendim që ndalon publikimin e dosjes së SPAK-ut për operacionin e fundit, ku u lëshuan 50 urdhër-arreste.

GJKKO i ka kërkuar mediave të mos e nxjerrin dosjen deri në përfundimin e hetimeve paraprake.

CNA ka vendosur të zbatojë këtë vendim dhe të ndalojë publikimin e materialeve hetimore.

“Gjykata e Posa?me e Shkallës së Parë për Korrupsionin dhe Krimin e Organizuar në kuadër të procedimit penal Nr. 59 të vitit 2022, pasi shqyrtoi kërkesës e Prokurorisë së Posaçme kundër Korrupsionit dhe Krimit të Organizuar për caktimin në mungesë të masave të sigurisë, me vendimin Nr. 49, datë 15.05.2023 të Gjykatës së Posa?me të Shkallës së Parë për Korrupsionin dhe Krimin e Organizuar, pasi ka disponuar lidhur me masat e sigurimit, ndër të tjera bazuar në nenin 103 të K.Pr.Penale ka vendosur: ndalimin e publikimit të kërkesës së prokurorisë apo përmbajtjes së saj deri në përfundim të hetimeve, si dhe ndalimin tërësisht të publikimit të këtij vendimi deri në përfundim të hetimeve paraprake.

Duke qenë se mosrespektimi i detyrimeve të përcaktuara në nenin 103 të Kodit të Procedurës Penale, përbën vepër penale sipas nenit 295/a paragrafi 3 i Kodit Penal nën titullin “Zbulimi i akteve ose të dhënave sekrete”, kërkojmë mirëkuptimin e të gjithë gazetarëve që nuk mund të jepet një informacion më i detajuar nga ana e gjykatës lidhur me këtë çështje”, theksohet në njoftimin e GJKKO-së.

Kujtojmë se SPAK ka goditur 7 grupe të strukturuara kriminale dhe ka lëshuar 50 urdhër-arreste. Deri më tani janë ekzekutuar 20 masa sigurie, 14 në Shqipëri dhe 6 jashtë vendit. 

Operacioni i shtrirë në Tiranë, Durrës, Vlorë, Lezhë, Fushë Krujë dhe Rrëshen, zgjati për 20 orë, ku u angazhuan afërsisht 30 hetues të BKH-së, forcat RENEA, Policia e Shtetit dhe 1 oficer i Europol. Në total është sekuestruar një pasuri me vlerë 4.5 milionë/ CNA





Lajmet e fundit nga