web counter
LEXO PA REKLAMA!

SHKARKO APP

App Store
Google Play

E fundit!

x

Apeli ‘rrëzon’ dhe gjobit grupin e vulës/ Nuk pranon shkarkimin e gjyqtares nga çështja e statutit

12 Janar 2023, 16:13, Aktualitet CNA

Apeli ‘rrëzon’ dhe gjobit grupin e vulës/ Nuk pranon

Gjykata e Apelit “ka rrëzuar” grupin e vulës.

Mësohet se gjyqtarja Edlira Petri ka rrëzuar kërkesën për të përjashtuar gjyqtaren Irida Kacerrja nga çështja e statutit të PD-së.

Gjithashtu, bëhet me dije se gjykata ka gjobitur grupin e vulës me 10,000 (dhjetëmijë) lekë për këtë kërkesë.

“Gjykata vlerëson se kërkesa për përjashtimin e gjyqtares Irida Kacerja nuk ka asnjë bazë, që të pranohet dhe se ndryshe nga pretendimi, nuk verifikohet asnjë arsye që objektivisht e bën atë të duket jo e paanshme në raport me subjektin ankues.

Referuar këtij përfundimi, sjelljes së kërkuesit në proces dhe bazuar në nenin 76, paragrafi i dytë të Kodit të Procedurës Civile, duhet aplikuar sanksioni ligjor i gjobës në shumën 10,000 lekë”, thuhet në njoftimin e Gjykatës së Apelit.

Kujtojmë se grupi i vulës u hodh në sulm ndaj gjyqtares, me pretendimin se çështja mund të paragjykohet nga kjo e fundit.

Kërkesa për përjashtim ishte paraqitur nga përfaqësuesi i PD-së, avokati Rezart Thupi, ndërsa ishte nënshkruar nga Gazment Bardhi.

Thupi ka qenë kryetar i partisë së Ben Blushit në Durrës./ B.A. - CNA.al





Lajmet e fundit nga