web counter
LEXO PA REKLAMA!

SHKARKO APP

App Store
Google Play

GJKKO i kthen dosjen për plotësim/ Dogjani: Çështja është drejtuar nga Rama

19 Maj 2025, 12:08, Aktualitet CNA

GJKKO i kthen dosjen për plotësim/ Dogjani: Çështja

GJKKO ka kthyer sot për plotësim hetimesh dosjen ndaj deputetit demokrat Asllan Dogjani. Ai akuzohet për mosdeklarim dhe fshehje pasurie. Pas daljes së tij nga gjykata, Dogjani ndau deklaratat e tij në një komunikim me gazetarët, teksa akuzoi se kjo çështje është iniciuar dhe drejtuar nga kryeministri Edi Rama.

Dogjani u shpreh se fatkeqësia më e madhe është që Rama ka kapur gjithçka dhe po kontrollon gjithçka dhe sipas tij ky është dëm i madh për Shqipërinë.

Dogjani shtoi se pavarësisht se nuk do të jetë në parlament, është deputeti i popullit dhe atyre njerëzve që e kanë votuar.

“Pavarësisht skemave që përdor, grupet kriminale ishin ballë përballë me ne. Administrata, grupet kriminale, paraja dhe intimidimi i qytetarëve ishin një vjedhje e pakontrolluar. Ramës i doli situata nga kontrolli. Nuk mbahet një pushtet me vota të vjedhura. Pavarësisht se nuk do të jem në parlament, jam deputeti i popullit dhe atyre njerëzve që më kanë votuar. Fatkeqësia më e madhe është që Rama ka kapur gjithçka dhe po kontrollon gjithçka. Është dëm i madh për Shqipërinë. Ka bërë marrëveshje të fshehta me ndërkombëtarët për të sjellë në Shqipëri. Sot është bërë seancë normale për detyrat e prokurorisë, i tregoi akuzës se çfarë veprimesh. Gjykata tha do të kryesh edhe këtë detyra të tjera dhe do të vish pas një muaji. Kjo çështje del qartë se është iniciuar dhe drejtuar nga Rama. Nuk jam këtu se kam vjedhur e korrupsion, por po fole, edhe me qenë Rama në pushtet, është krim. Do të mbajë përgjegjësi Rama që ka vjedhur votat. Fitues me vota të vjedhura. U bëj thirrje qytetarëve. Unë e kam parë përballë, është dëm për qytetarët e Shqipërisë. Ky njeri nuk e mban pushtetin me vota të vjedhura. Unë do të jem zëri i tyre, unë nuk kam nevojë për xhaketën e parlamentit. Pavarësisht dhunës e presioneve. Kur më bëhet presion jam pak më i fuqishëm”,- tha Dogjani./CNA

 





Lajmet e fundit nga