web counter
LEXO PA REKLAMA!

SHKARKO APP

App Store
Google Play

E fundit!

x

"Gati plani për energjinë elektrike"/ Verdho: Mund të konkretizohet në dhjetor

13 Nëntor 2022, 21:42, Aktualitet CNA
"Gati plani për energjinë elektrike"/ Verdho: Mund të
Drejtori i KESH, Ergys Verdho

Drejtori i KESH, Ergys Verdho, ka zbuluar planin për energjinë elektrike, në kushtet e krizës si shkak i luftës së Rusisë në Ukrainë dhe të një viti të thatë.

Verdho tha në emisonin “E-Zone” se KESH po analizon situatën për blerje afatagjatë të energjisë disavjeçare dhe për këtë po konsultohet me kompani të huaja.

Ai deklaroi se ky plan mund të konkretizohet në dhjetor ose në fillim të vitit të ardhshëm.

“Ne kemi nisur të bëjmë blerje më shumë se njëmujore që gjatë periudhës së pranverës. Ndërkohë, jemi në konsultime dhe me kompani të huaja të specializuara për ecurinë e bursave, me qëllim blerjen e energjisë për një periudhë 1-3 apo 5-vjeçare. Por që kjo të ndodhë, duhet të ketë një normalizim të çmimeve në bursa, pra jo domosdoshmërisht rënie, por një qetësim nga ndryshimet e shpeshta që po reflektojnë tregjet. Ky operacion që do të ndodhë për herë të parë, mund të konkretizohet në dhjetor apo dhe në fillim të vitit të ardhshëm”, u shpreh Verdho.

I pyetur për mundësitë financiare të realizimit të planit, ai theksoi se: “KESH dhe qeveria shqiptare është e vendosur që të mos ketë kufizim të energjisë në furnizim, ndaj dhe mbështetja buxhetore e vënë në dispozicion nga buxheti e ka mundësuar këtë. Edhe në këtë situatë, në rast të finalizimit të këtij operacioni, gjithçka do të koordinohet me buxhetin dhe nevojat aktuale”./ B.A. – CNA.al





Lajmet e fundit nga