E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“Fuqizimi përmes sportit”/ 4 të rinj me aftësi speciale, pjesë e projektit “Filipidde”

2 Shkurt 2025, 13:12, Aktualitet CNA

“Fuqizimi përmes sportit”/ 4 të rinj me aftësi

Pas Tiranës, Shkodra është qyteti i dytë ku po aplikohet projekti “Filipidde” e cila qendrën e ka në Romë. 4 të rinj me aftësi speciale, ish-nxënës të shkollës “3 Dhjetori”, janë pjesë e këtij projekti. Xhulio Zefi, lektor pranë Departamentit të Edukimit Fizik dhe Sporteve, në Universitetin “Luigj Gurakuqi” tregon mbi rëndësinë që sportet kanë tek përsonat me aftësi të kufizuara.

“Projekti e ka fillesën në Tiranë dhe fatmirësisht u gjet mundësia që të transferohet edhe në Shkodër. Është një bashkëpunim i Universitetit të Shkodrës, konkretisht departamentit të edukimit fizik dhe sporteve bashkë me shkollën speciale '3 dhjetori’ që u jep këtë mundësi këtyre fëmijëve me aftësi speciale që të kenë mundësi të përmirësohen në jetën e tyre dhe njëkohësisht të përmirësojnë edhe aftësitë motorike të tyre duke bashkëpunuar departamenti i edukimit fizik dhe sporteve me këtë shkollë.

Kuptohet që ndihma që ne si departament dhe si universitet japim është që këto fëmijë të kenë mundësi të zhvillohen më tepër edhe nga ana motorike, komunikative dhe sociale. Dita e sotme është dita e prezantimit të fillimit të projektit. Janë 4 fëmijë me aftësi speciale dhe njëkohësisht ne kemi vënë në dispozicion 4 studentë të edukimit fizik dhe sporteve të programit master.

Në perspektivë mendohet që ne do vazhdojmë që ta zgjerojmë sepse nevojat janë të mëdha për ndihmën që duhet t’i jepen kësaj shtrese.

Aktiviteti fizik është i nevojshëm për të gjithë njerëzit, por ama për këto fëmijë është një mundësi shumë e madhe dhe një ndihmesë që u jepet atyre të socializohen dhe të kenë mundësi të shkarkojnë emocionet negative që ata kanë. E dyta është që nepërmjet ushtrimeve fizike dhe motorike të mund të përmirësojnë lëvizshmërinë e tyre”.

“Fuqizimi përmes sportit”/ 4 të rinj me aftësi

Nicola Pintus, President i projektit tregoi se ky projekt është pjesë e Kombeve të Bashkuara dhe qëllimi është ndihma për këta djem e vajza që duhet të integrohen edhe përmes sportit.

“Jam Presidenti i këtij projekti me qendër në Romë. Falënderoj shumë për mikëpritjen dhe mundësinë që i është dhënë projektit që universiteti i Shkodrës në bashkëpunim me shkollën speciale ‘3 dhjetori’ të zhvillojë fillimin e një aktiviteti që do të jetë afatgjatë i cili ndihmon këtë shtresë të popullsisë, këto të rinj dhe të reja me aftësi speciale që të përmirësojnë jetën e tyre.

Unë dua të jap edhe një ide sepse në këtë moment Shkodra është qendra e botës për mua sepse janë aktivitete të cilat janë tejet të nevojshme dhe paraqesin një domosdoshmëri për nevojat që kanë këto shtresa. Duhet të dimë që ky projekt është pjesë e Kombeve të Bashkuara dhe duke qenë se është pjesë e OKB ne respektojmë të gjitha kartat dhe konvetat që ka OKB dhe për ne personat me aftësi speciale nga Karaibet, Republika Domenikane, nga Italia apo Shqipëria nuk kanë asnjë diferencë.

Qëllimi është që t’i ndihmojmë këto djem dhe vajza që të përmirësojnë jetën dhe njëkohësisht ne nëpërmjet sportit të respektojmë të drejtën e tyre që ata të kenë mundësi të ushtrojnë sport për të zhvilluar sa më tepër aftësitë e tyre motorike”.

Departamenti i sporteve në universitetin e Shkodrës ka vënë në dispozicion 4 studentë me qëllim asistimin ndaj këtyre përsonave. Çdo ditë të rinj së bashku me mësuesit do ushtrohen në një nga palestrat e shkollës. Ky projekt pritet të vijojë në Shkodër duke rritur numrin e përfituesve dhe synon të fuqizojë personat me aftësi ndryshe përmes sportit, duke promovuar përfshirjen dhe zhvillimin e tyre personal pritet të zgjerohët vit pas viti. /CNA