E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

FITËR BAJRAMI/ Udhëheqës fetarë dhe politikë urojnë besimtarët

20 Mars 2026, 12:53, Aktualitet CNA

FITËR BAJRAMI/ Udhëheqës fetarë dhe politikë

Me rastin e festës së Fitër Bajramit, përfaqësues të komuniteteve fetare dhe drejtues të politikës shqiptare kanë përcjellë mesazhe urimi, duke theksuar rëndësinë e paqes, solidaritetit dhe bashkëjetesës ndërfetare.

Kryepiskopi Joan zhvilloi një vizitë në Komunitetin Mysliman të Shqipërisë, ku vlerësoi harmoninë ndërfetare si një nga vlerat më të çmuara të shoqërisë shqiptare.

Ai theksoi se kjo harmoni është dëshmi se njerëz me besime të ndryshme mund të jetojnë në paqe dhe respekt të ndërsjellë. Me këtë rast, ai uroi besimtarët myslimanë për më shumë mirësi, paqe dhe solidaritet.

“Ju uroj të gjithë vëllezërve myslimanë gëzuar dhe për shumë vjet ditën e Fitër Bajramit,” u shpreh Kryepiskopi Joan.

Një vizitë në KMSH zhvilloi edhe Kryeipeshkvi i Kishës Katolike, imzot Arjan Dodaj, i cili shprehu urimet e tij duke theksuar rëndësinë e vëllazërisë, solidaritetit dhe shpresës për vendin.

Nga ana tjetër, drejtuesit politikë në Shqipëri kanë përcjellë mesazhe urimi për këtë festë.

Presidenti Bajram Begaj festoi Fitër Bajramin në Golem mes besimtarëve myslimanë, nga ku përcolli urimet për të gjithë shqiptarët.

Kryeministri Edi Rama, në një mesazh të shkurtër uroi: “Gëzuar Fitër Bajramin”.

Ndërsa ish-kryeministri Sali Berisha theksoi sakrificën e besimtarëve gjatë agjërimit, duke uruar që lutjet dhe adhurimi i tyre të pranohen dhe të sjellin mirësi për familjet dhe vendin.

Edhe ish-presidenti Ilir Meta përcolli urimet e tij për Fitër Bajramin, ndërkohë që përfaqësues të Partisë së Lirisë zhvilluan vizita në Komunitetin Mysliman të Shqipërisë.

Në nivel ndërkombëtar, edhe presidenti Donald Trump përcolli një mesazh urimi, mesazh i shpërnarë nga ambasada amerikane në vendin tonë, duke theksuar se kjo festë bashkon familjet dhe komunitetet myslimane dhe shërben si një kujtesë për rëndësinë e lirisë fetare. Ai uroi që kjo ditë të sjellë paqe dhe bekime për të gjithë besimtarët që festojnë.

Urime për këtë festë kanë ardhur edhe nga drejtuesit e Kosovës.

Kryeministri Albin Kurti uroi që kjo ditë të shërbejë për më shumë solidaritet, mirënjohje dhe kujdes ndaj njëri-tjetrit, ndërsa Presidentja Vjosa Osmani theksoi rëndësinë e afrimit mes njerëzve dhe mbështetjes për ata në nevojë./ CNA