web counter
LEXO PA REKLAMA!

SHKARKO APP

App Store
Google Play

E hënë e ngarkuar/ Mblidhen 4 komisione

23 Shtator 2024, 07:27, Aktualitet CNA

E hënë e ngarkuar/ Mblidhen 4 komisione

E hëna nis me mbledhjen e 4 komisioneve, komisioni për Çështjet Europiane, komisioni për Sigurinë Kombëtare, Komisioni hetimor për sterilizimin dhe komisioni për Politikën e Jashtme.

Në komisionin për Çështjet Europiane do të shqyrtohet projektligji “Për disa ndryshime dhe shtesa në ligjin nr. 10 465, datë 29.9.2011, “Për shërbimin veterinar në Republikën e Shqipërisë’, të ndryshuar”.

Në Komisionin për Sigurinë Kombëtare do të ketë seancë dëgjimore e kërkuar nga deputetët e Grupit Parlamentar të Partisë Demokratike me ministrin e Punëve të Brendshme, z. Ervin Hoxha për të dhënë informacione dhe shpjegime lidhur me gjendjen e rendit në vend, ngjarjet e rënda kriminale të ndodhura gjatë verës, numrin e ulët të arrestimeve të personave të kërkuar nga organet e drejtësisë dhe lëvizjet e fundit në kupolën drejtuese të Policisë së Shtetit. 

Në Komisionin Hetimor do të dëshmojnë Petro Mersini, Naile Abazi, Saimir Kadiu.

Në komisionin për Politikën e Jashtme do të ketë seancë dëgjimore me kandidatin për Kre të Misionit Diplomatik:

- z. Riza Poda, kandidat për Ambasador i Jashtëzakonshëm dhe Fuqiplotë i Republikës së Shqipërisë në Republikën Popullore të Kinës, rezident, si dhe Ambasador i Jashtëzakonshëm dhe Fuqiplotë i Republikës së Shqipërisë në Republikën Popullore të Bangladeshit, në Republikën Popullore Demokratike të Koresë, në Republikën Popullore Socialiste të Vietnamit, në Mongoli dhe Mbretërinë e Tajlandës, jorezident./ CNA





Lajmet e fundit nga